مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ٹیپ ریکارڈسے آیت سجدہ سنسا
سوال
نمبر1:اگر قرآن شریف کی تلاوت لگی ہو اور آیات سجدہ پڑھی گئی ہو اور سننے والا تو جہ سے سن رہاہو مگر سننے والا ناظرہ پڑھاہوا ہو اور اسے سجدہ کی آیات کا نہ پتہ چلاہویاسننےوالاحافظ ہولیکن عدم توجہ کی وجہ سے آیت سجدہ کا پتہ نہ چلا ہو تواس صورت میں سننے والے کے لئے شرعاً کیا حکم ہے ؟
نمبر2:مستورات یا معلمات ایا م معذوری میں آیت سجدہ سنیں تو کیاان پر سجدہ لازم ہے۔تو کیا ایام معذوری میں کریں یا ایام صحت میں سجدہ کریں ؟
نمبر3:دو طالب علم باری باری ایک ہی آیت سجدہ سننا ئیں تو معلم پر ایک سجدہ ہے یا دو ؟نیز دونوں بالغ طالب علموں پر کتنے سجدہ ہیں ؟ایک یا دو؟
جواب
نمبر1۔۔قرآن شریف کی تلاوت لگی ہو ” سے آپ کی مراداگر” ریکارڈینگ تلاوت “ہے(جیسا کہ الفاظ سے ظاہر ہو رہا ہے ) تو مطلقاً اس کے سننے سے سجدہ تلاوت واجب نہیں ہو تا۔اور اگر وہ تلاوت براہ راست نشر کی جارہی ہو، تو سننے والے پر سجدہ تلاوت واجب ہو گا ،خواہ وہ ناظرہ خواں ہو اور اس کو علم نہ ہوسکے ۔ مگر علم اور خبر نہ ہونے کی وجہ سے سجدہ تلاوت کی ادائیگی میں تاخیر کرنے پر وہ شرعاًمعذور ہو گا۔جب اس کو معلوم ہویا کوئی بتائے تو وہ عذر ختم ہو جائے گا۔ تاہم اگر علم نہ ہو نے کی وجہ سے سجدہ نہ کیا تو ایسی عوامی جگہوں میں آیت سجدہ کی تلاوت بلند آواز سے چلانے (لگانے)والےبھی گناہ سے خالی نہ ہو ں گے۔ واضح رہے کہ آیتِ سجدہ سننے والے پر سجدہ تلاوت واجب ہو گا؛ خواہ حافظ قرآن ہو یا ناظرہ خواں،قصدا سننے یا بےقصد، علم ہوسکے یا نہ ہو سکے ۔
نمبر 2–حالت حیض و نفاس یعنی ناپاکی کے ایام میں آیت سجدہ سننے سے سجدہ تلاوت واجب نہیں ہوتا۔
نمبر 3–مذکورہ صورت میں معلم اور دونوں طالب علموں پر ایک ،ایک سجدہ تلاوت واجب ہوگا۔
(ماخذہ ٗ : امداد الاحکام ،مولاناظفراحمد عثمانی (م:1394ھ)(1/689)معارف القرآن کراتشی وفتاویٰ عثمانی ،مفتی محمد تقی عثمانی(۱/۴۹۷) معارف القرآن کراتشی)۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
