سوال کے ساتھ منسلک معاہدہ پر غور کرنے سے معلوم ہوا کہ شرعاً یہ فریقین کے درمیان خرید و فروخت کا معاملہ ہے اور مذکورہ خرید وفروخت کے معاملے میں فریقین پر جو معاہدہ کی خلاف ورزی کی صورت میں ہرجانہ کی شرط لگائی ہے شرعاً یہ درست نہیں اس شرط سےخریداری کا مذکورہ معاملہ فاسد ہو گیا؛لہذا فریقین کو چاہیے کہ اس معاملہ کو ختم کر کے نئے سرے سے معاملہ کریں اور اس میں معاہدہ کی خلاف ورزی کی صورت میں ہرجانہ کے بجائے التزام بالتصدق کی صورت اختیار کریں ،جس میں فریقین میں سے ہر ایک صراحت کے ساتھ اس بات پر عہد کرے کہ “اگر میں نے مذکورہ معاملہ میں لگائی گئی شرائط میں سے کسی شرط کی خلاف ورزی کی تو مجھ پر پانچ لاکھ روپے اور ایک دنبہ صدقہ کرنا لازم ہوگا “پھر اگر کوئی فریق خلاف ورزی کرتا ہے تو جرگہ اس سے طے شدہ پیسے اور دنبہ لے کر فقراء پر اور خیر کے کاموں میں صدقہ کرے ۔اور دوسرے فریق کے لیے ان پیسوں کا استعمال ہر گز جائز نہیں۔