اگر بیٹے نے والد کو ر قم دیتے وقت قرض کی تصریح نہیں کی تھی تو یہ رقم تبرع شمار ہو گی اور اس سے خریدی گئی زمین اور تعمیر وراثت میں تقسیم ہو گی اور اگر رقم دیتے وقت قرض کی وضاحت کی تھی تو اس رقم سے خریدی گئی زمین اور تعمیر شدہ عمارت پر خرچ کی گئی رقم واپس لے سکتا ہے، البتہ اگر والد کو رقم دیتے وقت قرض اور تبرع کی وضاحت نہیں کی تھی اور اس صورت میں دیگر ورثاء کو اعتراض نہ ہو تو پھر بھی بیٹے کے لیے زمین اور عمارت پر خرچ کی گئی رقم لینے کا حق ہو گا اور ورثاء کے اعتراض کی صورت میں بیٹے کو رقم کے قرض ہونے پر گواہ پیش کرنا ضروری ہیں اور اگر بیٹا گواہ پیش نہ کر سکے تو یہ زمین اور تعمیر وراثت میں شامل ہوں گے۔