مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
فیسبک پر بغیر قبضے کے آن لائن کاروبار کرنے کا حکم
سوال
میں گھر پر آن لائن کاروبار کرنا چاہتا ہوں فل وقت میرے پاس اتنا سرمایہ نہیں کہ مارکیٹ سے پروڈکٹس خرید سکوں اسی ضمن میں ایک دوست نے مجھے مشورہ دیا کہ میں نزدیکی مارکیٹ جا کر وہاں کسی دوکاندار سے بات کر لوں اور وہاں دوکان میں پڑی اشیاء کی تصاویر لے کر اپنے فیسبک پیج پر اپلوڈ کروں کیا یہ جائز ہے ؟جب کہ ایک دوسرے بندے نے جو کہ کافی عرصہ سے آن لائن کاروبار کر رہا اور کافی حد تک کامیاب بھی ہے اس نے یہ مشورہ دیا کہ میں جو پراڈکٹس آپ کو بھیجوں اس میں آپ نے اپنا پرافٹ خود رکھنا ہے اکاؤنٹ بنا ہوا ہونا چاہئے پیمنٹ کے لئے اور ایڈوانس پیمنٹ پر آڈر لے سکتے ہیں کسٹمرز سےاپنا پرافٹ رکھ کر پیمنٹ مجھے سینڈ کردیں اور کسٹمر کا مکمل ایڈریس سینڈ کر دیں کیا یہ جائز ہے ؟
جواب
جس چیز کو فروخت کیا جا رہا ہو شرعاً اس چیز کا فروخت کرنے والے سیلر کے قبضے اور ملکیت میں ہونا ضروری ہے ۔ صورتِ مسئولہ میں خرید و فروخت کی جو صورتیں بیان کی گئی ہیں ان صورتوں میں چیز فروخت کرنے والے سیلر کے قبضہ اور ملکیت میں نہیں ہوتی ،لہذا شرعاً ان طریقوں سے خریدوفروخت کرنا اور کاروبار کرنا درست نہیں ہے، البتہ کچھ ترمیم کر کے مندرجہ ذیل طریقوں کے مطابق کاروبار کیا جا سکتا ہے
نمبر۱۔خرید وفروخت کا معاملہ کرتے ہوئے حتمی سودا نہ کیا جائے بلکہ اس سے وعدہ بیع کر لیا جائے کہ یہ چیز میں آپ کو اتنے میں مہیا کروں گا پھر اس کے بعد وہ چیز متعلقہ کمپنی سے خرید کر خو د یا وکیل کے ذ ریعے قبضہ کر کے آگے کسٹمر کو بھیج دیں تو جب کسٹمر چیز وصول کر کے پیسے دے دے گا تو سودا مکمل ہو جائے گا اور بیع شرعاً درست ہو جائے گی۔
نمبر۲۔آپ فروخت کنندہ سیلر کے بجائے جس کمپنی سے مال خرید کرآگے بھیجیں گے اس کا کمیشن ایجنٹ بن کر اشیاء فروخت کریں اور چیز بِک جانے پر کمپنی سے طے شدہ کمیشن وصول کر لیں یہ معاملہ بھی شرعا جائز ہے ،نیز اس میں مال پر قبضہ کرنا بھی آپ کے لیے ضروری نہیں ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
