مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
اپنی بہن کو کہنا کہ ” میں تم سے بدکاری کروں گا” کی سزا اور نکاح پر اثر
سوال
کیا کہتے ہیں علماءِ کرام اُس شخص کے بارے میں جو گھر میں جھگڑ ااور گالم گلوچ کرتا ہو ، نیز اپنی بہن اور بھانجیوں سے کہتا ہو کہ “میں تم سے بد کاری کروں گا “۔ کیا ایسے الفاظ کہنے سے اس شخص کے نکاح پر کوئی اثر پڑے گا؟ اور کیا ایسے شخص کے لیے دنیا اور آخرت میں کوئی سزا مقرر ہے ؟
جواب
گالیاں دینا شرعاً و اخلاقاً بہت بڑا گناہ ہے ۔حدیث شریف میں گالیاں دینے والے کو منافقوں میں شمار کیا ہے،لہذا صورتِ مسئولہ میں اس شخص کو چاہیے کہ اپنی بہن اور بھانجیوں کو اس طرح کی گالیاں دینے سے احتراز کرے اور توبہ و استغفار کے ساتھ ساتھ بہن وغیرہ سے معافی بھی مانگے اور بہن کو بھی چاہیے کہ بھائی اگر معافی طلب کرے تو اس کو معاف کر دیں ،نیز مذکوررہ شخص کے عزیز و اقارب بھی اس شخص کو اس فعل بد سے باز رہنے کی تلقین کریں اور واضح رہے کہ اس کو سزا دینے کا اختیار عدالت کو ہے ، اگر مقدمہ عدالت میں جائے تو عدالت کو تعزیراً مناسب سزا دینے کا اختیار ہے ،البتہ ان گالیوں سے اس شخص کے نکاح پر کوئی اثر نہیں پڑے گا ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
