میرا نام فاطمہ اور میرے شوہر کا نام عمیر ہے ،ہماری شادی کو دس سال ہو گئے ہیں ہمارے تین بچے ہیں (بیٹا دس سال ،بیٹی 8سال ،بیٹا6 سال ) کےہیں شادی کے دس سالوں میں میرے خاوند گھر کی تمام مالی ذمہ داریوں کو بخوبی پورا کرتے رہے ،ہمارے مزاج میں عدم مطابقت کی وجہ سے اکثر ہمارے جھگڑے ہوتے رہتے تھے ،میرے شوہر کو شراب نوشی (پان ،سیگرٹ )کی عادت ہے ،7جولائ/2024ء کو میرے شوہر شدید غصے کی حالت میں تھے ،ہم دونوں کا ایک دن پہلے شدید جھگڑا ہوا تھا پھر وہ غصہ اور جھگڑا اگلے دن بھی رہا، 7جولائ کو رات 10 بجے میرے شوہر شدید نشے اور غصے کی حالت میں میرے کمرے میں داخل ہوئے، کچھ دیر لڑائی کے بعد جس میں ان کے والد بھی موجود تھے میرے شوہر نے میرے بڑے بھائی کو فون کیا اس وقت وہ شدید غصے اور شراب کے نشے میں تھے بھائی سے کہا” فاطمہ میرے سامنے بیٹھی ہے میں اپنے ابو کو گواہ بنا کر طلاق دیتا ہوں ،طلاق دیتا ہوں ،طلاق دیتاہوں ،اسے آکر لے جاؤ” اس کے بعد انہوں نے میری بڑی بہن کو فون کیاا ور انہیں کہا کہ” میں اپنے ہوش وحواس میں فاطمہ کو طلاق دیتا ہوں،طلاق دیتاہوں ،طلاق دیتا ہوں” جب انہوں نے میری بڑی بہن کو فون کیا تب ان کے ابو میرے کمرے میں موجود نہیں تھے ، جب انہوں نے پہلے بھائی کو فون کیا اور طلاق کا لفظ بولا تو ان کے ابو لاحول پڑتے ہوئے کمرے سے باہر چلے گئے۔ اب میرے شوہر کہتے ہیں کہ ان کو بس اتنا یاد ہے کہ انہوں نے جھگڑے کے دوران تین بار طلاق کے لفظ بولے ہیں، ان کو یہ بھی یاد نہیں کہ انہوں نے میرے بھائی کو فون کیا اور پھر میری بڑی بہن کو فون کر کے دوبارہ تین بار طلاق کے الفاظ کہے ۔ اب آپ اس مسئلے میں رہنمائی فرما دیں کہ آیا ہماری طلاق ہو گئی ہے یا نہیں؟ قران و حدیث کی روشنی میں فتوی جاری کردیں، شکریہ۔