میری شادی شاہ زیب سانول سے 10 مارچ 2017 میں انجام پائی تھی جس سے میری 4 سال کی بیٹی ہے۔ سب کچھ ٹھیک جارہا تھا کہ 2022 سے 2023 میں میرا شوہر نشے میں مبتلا ہوگیا۔ 19 جون 2023 کو شدید نشے کی حالت میں میرے گھر والوں سے جھگڑا ہوا اور میرے غیر موجودگی میں میرے بھائی اور بہنوں کے سامنے مجھے 2 دفعہ نشے کی حالت میں طلاق دے دی۔ بعد ازاں ان کو علاج کے لیے بھجوایا دیا گیا۔ اس مدت میں ہم میاں بیوی کا رجوع ہوگیا تھا جس کی وجہ سے میں واپس اپنے شوہر کے ساتھ گھر چلی گئی لیکن پھر کسی گھریلو جھگڑے کی وجہ سے میں واپس اپنے میکے آگئی۔ مجھے گھر والوں نے خلع کا بولا۔ میں نے اپنی اور گھر والوں کی رضا سے خلع کے لیے دائر کیا اور کچھ دن بعد وہ خلع اسکے اور اسکے گھر والوں کے سامنے رکھا۔ اس دوران میرے شوہر کو مسلسل کہا گیا کہ طلاق دے لیکن انہوں نے نہیں دی۔ پھر بہت زور دینے کے بعد میرے خاوند نے طلاق نامہ کو خلع کا حصہ سمجھتے ہوئے ان پر سائن کردیے۔ اس وقت بھی وہ نشے میں تھے۔ اپنا زیور اور رقم جو کہ 10لاکھ بنتی تھی وہ لی۔ رقم جو دی گئی وہ اس نے میرے گھر والوں کے دیے ہوئے گھر پر لگانے کا دعوی کیا تھا۔ بڑوں نے فیصلہ کیا کہ 10 لاکھ بنتے ہیں۔ اب میرے خاوند نے مجھے حلف دیا کہ میں اللہ کو حاضر ناظر جان کر کہتا ہوں کہ مجھے نہیں پتہ تھا کہ وہ ایک طلاق نامہ ہے اور یہ کہ میں نے تیسری طلاق نہیں دی۔ وہ اس وقت نشے میں تھا اور زارو قطار رو رہا تھا۔ میرے گھر والوں کو تعلق دیوبند فرقے سے ہے اور ان کے مولوی حضرات کے مطابق طلاق ہوگئی ہے جبکہ میرے شوہر کا کہنا ہے کہ طلاق نہیں دی تم نے خلع لیا ہے۔ میری چھوٹی بیٹی ہے میں اسکی خاطر گھر جوڑنا چاہ رہی ہوں مہربانی فرما کر میرے مسئلے کا حل بتا دیں کہ اب رجوع کی کوئی گنجائش ہے کہ نہیں۔