واضح رہے کہ ریڈار ایپ نیٹورک مارکیٹنگ کے طرز پر کام کرنے والی ایپ ہے اور اس نظام پر چلنی والی کمپنیوں /ایپس میں شرعی اعتبار سے مختلف مفاسد (جھوٹ ،غرر اور دھوکہ دہی وغیرہ)پائے جاتے ہیں، نیز مذکورہ کمپنی کے اصولوں کے مطابق ممبر کو ان ممبرا ن کی منبر سازی پر بھی کمیشن ملتا ہے جن کی ممبر سازی میں اس شخص کی اپنی کوئی محنت نہیں ہوتی بلکہ وہ اس کے نیچے کے ممبرز میں سےکسی کے بنائے ہوئے ممبرز ہوتے ہیں اور ان کمپنیوں /ایپس کا مقصد کاروبار نہیں ہوتا بلکہ ممبر سازی کے ذریعے پیسے کمانا ہے،لہذا اس طرح کی کمپنیوں میں کام کرنا اور کمیشن کے نام پر ناجائز فوائد حاصل کرنا جائز نہیں اور مذکورہ ایپ کے لنک کے ذریعے فیسبک،یوٹیوب وغیرہ کی ویڈیوز کو لائک کر کے سکرین شاٹ ایپ کو ارسال کیا جاتا ہے جس کا مقصد جعلی ویوز لوگوں کو دکھانا ہے جو جھوٹ اور دھوکہ دہی کے کام میں معاونت کی وجہ سے ناجائز ہے ،نیز جن ویڈیوز کو لائک او ر چینلز کو سبسکرائب کیا جاتا ہے ہماری معلومات کے مطابق عموماً غیر شرعی امور پر بھی مشتمل ہوتی ہیں ،لہذا اس طرح کی ایپس کو استعمال کرنے سے اجتناب ضروری ہے۔