عرض یہ ہے کہ میرے داماد نے مجھے ہفتہ کی شب فون کرکے کہا کہ آپ ہمارے گھر آجائیں بات کرنی ہے۔ میرے انکار پر اس نے بیٹی سے متعلق چھوڑنے کی دھمکی دی تو میں نے اس سے کہا دھمکی نہ دینا جو بھی ہے میں نہیں آرہا۔ اسی دوران تھوڑی دیر بعد پھر فون آیا میں نے پھر انکار کر دیا کہ میں نہیں آرہا۔ پھر مشورے کے بعد میں نے فون کیا اور کہا میں آرہا ہوں۔ اور میں میری اہلیہ چلے گئے۔ اور میں ان کے تا یا اور والد کے ساتھ بیٹھ گیا۔ داماد اور تایا نے بولنا شروع کیا۔ تو میں نے ان کے سوالوں کے جواب دیئے جس پر داماد نے غصہ میں کہا کہ میری طرف سے آپ کی بیٹی کا کوئی تعلق نہیں میں نے اس کو فارغ کیا۔ پھر بحث و مباحثہ کرتے رہے اور تھوڑی دیر بعد اس نے اس بات کو دوبارہ کہا میرے سے کوئی تعلق نہیں ہے آپ اسے اپنے ساتھ لیکر جائیں پھر میری بیٹی میرے پاس آئی اور شوہر سے بات کرنا چاہی تو اس سے کہا کہ میرے منہ نہ لگ میں نے تجھے اپنے نکاح سے خارج کردیا، خارج ہوگئی تو میرے نکاح سے ۔ اور تقریبا ۱۵ سے ۲۰ دن پہلے وہ میری بیٹی کو ساتھ لیکر کہیں جارہا تھا بیٹی نے جانے سے منع کیا تو اس نے کہا جاؤ تم میری طرف سے آزاد ہو۔ چند سیکنڈ کے وقفہ میں جملہ پورا کرتے ہوئے بولا کہ آزاد ہو اپنے فیصلوں میں ۔ تو میری بیٹی نے بولا کہ یہ کیا الفاظ بولے ہیں تو اس نے کہا کہ میرا مطلب یہ ہے کہ تم اپنے فیصلوں میں اپنی مرضی کی مالک ہو۔