مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ہبہ مکمل ہونے کے لیے مالک و قابض بنا کردینا ضروری ہے
سوال
میرے والد صاحب نے اپنی محنت سےگھر تعمیر کیا جسکے گراونڈ فلور پر اپنی دونوں ازواج، بیٹا اور بیٹی کے ساتھ تاحیا ت رہتے رہے۔ اور بالائی پورشن کو کرایہ پر دیا جس کا کرایہ وہ خود وصول کرتے تھے اور اپنے گھریلو استعمال میں لاتے رہے، اپنی زندگی میں جبکہ ابتداء میں ہی انہوں نے اس گھر کو اپنے بیٹے کے نام ۱۸ سال کی عمر میں کردیا تھا۔
اس سال ۲۰۲۳ میں والد صاحب کی وفات ہوگئی ہے اب جب وراثت کی تقسیم کا معاملہ شروع ہوا تو بھائی اس گھر کو تقسیم نہیں کررہا کیونکہ اس کا کہنا ہے کہ والد صاحب اس کو اپنی زندگی میں ہبہ کر گئے تھے لہٰذا یہ تمام وارثین کو تقسیم نہیں ہوگا۔
جواب
شرعاً ہبہ مکمل ہونے کےلیے ضروری ہے کہ جسے ہبہ کیا جار ہا ہے اسے حصہ جد اکرکے مالک وقابض بنا کر دے دیا جائے ۔ صرف کاغذات میں نام کردینے سے ہبہ مکمل نہیں ہوتا۔
لہٰذا صورت مسئولہ میں اگر آپ کے والد مرحوم نے اپنی زندگی میں بالائی منزل آپ کے مذکورہ بھائی کو مالک وقابض بنا کر نہیں دی اور کرایہ بھی ساری زندگی خود ہی وصول کرتے رہے تو ایسی صورت میں ہبہ مکمل نہیں ہوا ۔ اور بالائی پورشن بھی مرحوم کے ترکہ میں شامل ہوکر تمام ورثاء کا مشترکہ حق ہوگا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
