مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مقروض کی وفات کے بعد قرض خواہ کا قرض کی مقدار میں اضافے کا دعوی کرنا
سوال
مسئلہ کچھ اس طرح ہے کہ ایک آدمی نے ایک دکان میں پینتالیس سال سے زائد کا عرصہ گزارا اور اس دکان کے مالکان کو بہت نفع پہنچایا اور کبھی غلط طریقہ سے نہیں کمایا انہیں چالیس سے پینتالیس ہزار تنخواہ ملتی تھی،نیز وہ دکان سے اکثر قرض بھی لیا کرتے تھے ،اور جب دکان چھوڑی تو آخری تنخواہ بھی نہیں لی تھی اور یہ بات انہوں نے زندگی میں کہی کہ میں دو لاکھ اسی ہزار کا مقروض ہوں اور یہ رقم انہوں نے دکان کے مالکان سے لی تھی پھر جب ان کی وفات ہوگئی تو ورثا ء نے قرض کی ادائیگی کے لیے رابطہ کیا اور یہ کہا کہ ہم تھوڑی تھوڑی کر کے ادا کریں گے کچھ عرصہ بعد جب مالکان سے اکاؤنٹ نمبر مانگا تو انہوں نے کہا کہ سولہ لاکھ کا قرض لیا تھا، لہذا مہربانی فرماکر مذکورہ مسئلے کی شرعی راہ نمائی فرمائیں ۔ شکریہ
جواب
صورتِ مسئولہ میں مرحوم نے چونکہ اپنی زندگی میں صرف دو لاکھ اسی ہزار کے قرض کا اقرار کیا تھا ،لہذا اب اس کے ورثاء پر لازم ہے کہ اگر اس (مرحوم)کے ترکے میں ما ل ہے تو تقسیم ِ میراث سے پہلے اس کے قرض کی ادائیگی کریں ، نیز دکان کے مالکان نے جو سولہ لا کھ کے قرض کا دعویٰ کیا ہے تو محض دعویٰ کی بنیاد پر مرحوم کے ورثاء پر اس قرض کی ادئیگی لازم نہیں بلکہ مالکان کے پاس گواہ یا دستاویزی ثبوت ہوں تو وہ ان کی بنیاد پر عدالت میں کیس دائر کر یں پھر اگر عدالت شرعی اصولوں کے مطابق مرحوم کے ورثاء پر ادائیگی لازم کرتی ہے تو ورثاء پر مرحوم کے ترکے میں سے یہ رقم ادا کرنا لازم ہوگی ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
