مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
طلاق ِ ثلاثہ کے باوجود اکٹھے رہنے والے کا حکم اور اس سے متعلق چند مسائل کا حکم
سوال
ایک شخص نے 2 سال قبل بیوی کو اکٹھی 3 طلاق دیدیں۔ دو مہینے کے بعد میاں نے آکر کہا کہ ابھی صرف 2 ماہ ہوئے ہیں اور صلح کی گنجائش ہے۔ اسنے لڑکی کے ورثاء کے ذہن میں بھی یہ بات ڈال دی۔ لڑکی کے ورثاء لا علم لوگ تھے چنانچہ انہوں نے لڑکی کو دوبارہ اسکے ساتھ بھیج دیا۔
جامعہ اشرفیہ سے فتوی لیجا کردکھایا گیا کہ اب اس لڑکی کا اسکے ساتھ رہنا حرام ہےلیکن پھر بھی اسنے لڑکی کو واپس نہیں کیا۔ اس بات کو ایک سال ہوگیا ہے اور اب اس دوران ایک بچہ بھی ہوچکا ہے بلکہ دوسرا حمل بھی تیار ہے۔ کیا پہلا بچہ جائز ہے؟
نمبر۱۔کیا پہلا بچہ جائز ہے؟
نمبر۲۔کیا اب اس بچہ کے بعد تعلق ختم ہوگیا؟
نمبر۳۔کیا لڑکی کا اسکے ساتھ رہنا جائز ہے؟
نمبر۴۔اگر تعلق کے بعد بچے کی پیدائش اور خاوند کے گھر رہنا ناجائز ہےتو گناہ کس کو ہوا؟
نمبر۵۔اگر طلاق کے بعد خاوند اسی بیوی کیساتھ مباشرت کرے تو مقدمہ ہوسکتا ہے؟
نمبر۶۔اگر دو بچے ہونے کے بعد علیحدگی ہوسکتی ہے یا اگر بچونکی وجہ سے میاں بیوی الگ ہوناچاہیں تو کیا انکا اسطرح اکٹھے رہنا اور ہمبستری کرنا جائز ہے۔ مہربانی فرماکر قراٰن حدیث کی روشنی میں رہنمائی فرمائیں۔
جواب
بشرط صحت سوال اگر شوہر نے تین طلاقیں دی تھیں تو ایسی صورت میں تین طلاقیں واقع ہوکر حرمت مغلظہ ثابت ہوگئی ہے۔ لہٰذا وہ ایک دوسرے پر حرام ہوچکےہیں ۔
بشرط صحت سوال اگر شوہر نے تین طلاقیں دی تھیں تو ایسی صورت میں تین طلاقیں واقع ہوکر حرمت مغلظہ ثابت ہوگئی ہے۔ لہٰذا وہ ایک دوسرے پر حرام ہوچکےہیں ۔
نمبر۱۔اگر حمل طلاق سے پہلے کا ہوتو بچہ جائز ہے اور شوہر سے ہی اس کا نسب ثابت ہوگا ۔
نمبر۲۔اس طرح طلاق ختم نہیں ہوتی ۔
نمبر۳۔اب ان کےلئے ایک ساتھ رہنا جائز نہیں ۔
نمبر۴۔مردو عورت دونوں گناہ گار ہیں اور اس عمل میں معاونت کرنے والے بھی ۔
نمبر۵۔ورثاء اقرباء اور انتظامیہ پر لازم ہے کہ وہ کوئی بھی جائز قانونی راستہ اختیار کرتے ہوئے ان دونوں میں جدائی کروائیں۔
نمبر۶۔ایسی صورت میں ان دونوں کےلیے کسی طور پر بھی اکٹھے رہنا اور ہمبستری جائز نہیں ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
