سورۃ مسؤلہ میں مرحوم نے انتقال کے وقت جو کچھ اپنی ملکیت میں چھوڑا یا کسی نے مرحوم کا قرض دینا ہو یہ سب مرحوم کا ترکہ ہے۔ سب سے پہلے اس میں سے مرحوم کے کفن دفن کے اخراجات ادا کیے جائیں گے۔ اس کے بعد اگر مرحوم کے ذمہ کسی کا قرض ہو یا بیوی کا مہر ذمہ میں ہو تو اس کو ادا کیا جائے گا۔ اس کے بعد اگر مرحوم نے کسی غیر وارث کے حق میں وصیت کی ہو تو اس پر ایک تہائی کی حد تک عمل کیا جائے گا۔ اس کے بعد جو مال بچے اگر مذکورہ ورثہ کے علاوہ اور کوئی وارث نہ ہو تو اس مال کے اڑتالیس(48) برابر حصے کر کے دونوں بیٹوں میں سے ہر ایک کو چودہ (14) حصے جبکہ دونوں بیٹیوں میں سے ہر ایک کو سات(7) حصے اور بیوی کو چھ(6) حصے دے دیں۔ فی صد کے حساب سے بیوی کو (12.5)فی صد ہر بیٹے کو (29.16)فی صد اور ہر بیٹی کو(14.583) فی صد حصہ ملے گا۔ تقسیم میراث کا نقشہ درج ذیل ہے۔