مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کیا اجتہادی خطا کے باوجود صحابہ کرام علیہم الرضوان معیار حق ہیں؟
سوال
نمبر۱۔کیا صحابہ کرام رضوان اللہ اجمعین اجتہادى خطا ہونے کے باوجود معیار حق ہیں ؟
نمبر۲۔معیار حق صرف قرآن و حدیث ہے، کیونکہ صحابہ کرام سے اجتہادی خطا ہوئی ہے اور جس سے اجتہادی خطا ہو،کیا وہ معیار حق ہو سکتاہےیانہیں اور معیار حق ہونے کے کیا دلائل ہوسکتے ہیں؟راہ نمائی فرمائیں۔
جواب
آنحضور ﷺ اوردیگرتمام انبیاء علیہم السلام نےاللہ تعالی کےدینِ متین کوبغیر کسی کمی وزیادتی کےصحیح صحیح پہنچادیا، اللہ تعالی کی طرف سےکوئی آیت غلط طریقے سےمنسوب نہیں کی اور یہی معیارِحق کامطلب ہے لہٰذا آنحضورﷺاورتمام انبیاء علیہم السلام معیارِ حق ہیں،اسی طرح حضرات صحابہ کرام رضوان اللہ علیہم اجمعین نے بھی آنحضورﷺسے دین کوصحیح اورٹھیک طریقےسے نقل فرمادیاہے، لہذانقلِ دین میں صحابہ کرام رضوان اللہ علیہم اجمعین بھی معیارِ حق ہیں۔
قرآن و حدیث کی بے شمار آیات و احادیث، صحابہ کرام رضوان اللہ علیہم اجمعین کے معیارِ حق ہونے پر دلالت کرتی ہیں، چنانچہ اللہ تعالی کا ارشاد ہے :”اگر یہ لوگ بھی اس طرح ایمان لے آئیں جیسے تم لائے ہو تو یہ راہ راست پر آجائیں گے” (سورۃ البقرہ: 137) اور اسی طرح ارشاد باری تعالی ہے :”اور مہاجرین و انصار میں سے جو لوگ پہلے ایمان لائے اور جنہوں نے نیکی کے ساتھ ان کی پیروی کی، اللہ ان سب سے راضی ہو گیا اور وہ اس سے راضی ہیں اور ان کے لیے ایسے باغات تیار کیے ہیں جن کے نیچے سے نہریں بہتی ہیں جن میں وہ ہمیشہ رہیں گے یہی بڑی زبردست کامیابی ہے” (التوبہ:100) اسی طرح ان کی محبت کو ایمان کا لازمی جزو قرار دیا۔چنانچہ ارشاد نبوی ہے”اللہ سےڈرو! اللہ سےڈرو! میرےصحابہ کےمعاملے میں، میرےبعدان کو(طعن وتشنیع کا) نشانہ نہ بناؤ کیونکہ جس شخص نےان سےمحبت کی تومیری محبت کےساتھ ان سےمحبت کی، اورجس نےان سےبغض رکھا تومیرےبغض کےساتھ ان سےبغض رکھااور جس نےان کوایذاء پہنچائی اس نےمجھےایذاء پہنچائی اورجس نےمجھےایذاء دی اس نےاللہ تعالی کوایذاء پہنچائی اورجو اللہ کوایذاء پہنچاناچاہتاہےتوقریب ہےکہ اللہ اس کوعذاب میں پکڑلےگا”
حتی کہ بعض صحابہ کرام رضوان اللہ علیہم اجمعین سے بعض موقعوں پر صریح امور سرزد ہوئے تو اس کو بھی اللہ تعالی نے معاف فرمادیا اور ان کے مقام کو برقرار رکھا جیسے حضرت حاطب ابن ابی بلتعہ رضی اللہ عنہ کا خط کے ذریعےفتح مکہ کی تیاری کی خبر دینا وغیرہ ۔لہذا صحابہ کا معیارِ حق ہونا یقینی ہے اور اس میں کسی بھی شک وشبہ کی گنجائش نہیں۔ واضح رہے کہ سوال میں ذکر کردہ اجتہاد سے مراد اگر فروعی مسائل کااجتہاد ہے تو اس سے متعلق یہ بات سمجھ لیں کہ ایسے اجتہاد میں کوئی جانب منکَر نہیں ہوتی جس کی وجہ سے مجتہد پر ملامت کی جائے ،لہذابعض صحابہ کرام رضوان اللہ علیہم اجمعین کی اجتہادی خطاء کےباوجودبھی ان کےمعیارِ حق ہونےکامقام متاثر نہیں ہوتا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
