مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
مجتہد کی تعریف اور صرف اٰئمہ اربعہ کی تقلید ہی کیوں ضروری ؟
سوال
مجتہد کس کو کہتے ہیں؟ کیا ہر مجتہد کی تقلید فرض ہوتی ہے؟ ¹⁴چودہ ¹⁰⁰سو سالوں میں اسلام میں مجتہد کیا صرف⁴چار ہی ہوئے ہیں؟ صحابہ کرام رضوان اللہ علیہم اجمعین ، تابعین کرام رحمۃ اللہ علیہم تو شاید اجتہاد کے درجہ سے محروم ہی رہے ہوں گے۔پھر ان چاروں ائمہ میں سے ایک کی تقلید کس ترجیح کی بناء پر ہے؟
جواب
مجتہد کے لئے ضروری ہے کہ وہ مسلمان صحیح الفہم ہو،اور اصول اربعہ(قرآن و سنت اجماع و قیاس) سے خوب واقف ہو،ناسخ ومنسوخ سے واقف ہو، لغت عربیہ صرف نحو اور بلاغت کا خوب ماہر ہو ،اور اصول فقہ سے خوب واقف ہو ،قرآن وسنت سے مسائل کے صحیح استنباط کا ملکہ اور صلاحیت بھی ہو۔ایسا شخص جب اپنی تمام تر صلاحیتوں کو بروئے کار لاکر قرآن وسنت سے مسائل اور اصول استنباط کرتا ہے تو اصولیین کی اصطلاح میں اس کے اس عمل کو اجتہاد اور اس شخص کو مجتہد کہتے ہیں۔اور ہر مجتہد کی تقلید ضروری نہیں ہےبلکہ ایک مجتہد کی تقلید کو فقہا کرام نےلازم قراردیا تاکہ نفس ِپرستی کا سدباب ہوسکے۔
واضح رہے کہ چودہ سو سالوں میں صحابہ اور تابعین میں سے کئی ائمہ مجتہدین گزرے ہیں چونکہ ان سب حضرات کا مذہب مدون نہ ہوسکا،اللہ تعالی کی توفیق سے صرف چار ائمہ کا مذہب ہی مدون ہوا،اسی لئے ان چارحضرات کی تقلید تمام عالم ِ اسلام میں پھیل گئی،اور لوگ انہی میں سے کسی ایک امام کی فقہ پرعمل کرنے لگے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
