مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تحریری نوٹس كے ذريعے طلاق صريح دينا
سوال
ایک شخص نے اپنی بیوی کو تحریری نوٹس میں لکھا کہ وہ اپنی بیوی کو طلاق دیتا ہے اب وہ اس کی بیوی نہی رہی کیونکہ بارہا اسکے والدین طلاق کا مطالبہ کرتے رہے تو اب وہ آزاد ہے تقریبا ایک ماہ بعد رجوع صلح کیلئے کوشش کی لیکن صلح نا ہوئی پھر چار ماہ بعد دوسرا نوٹس بھیجا جس میں دو مزید طلاق دیں ۔پھر چار دن بعد تین مرتبہ زبانی طلاق دے دی۔ راہنمائی فرمائی جا ئے کہ کیا پہلے نوٹس میں صریح طلاق کے ساتھ کنایہ جو استعمال کیا کہ اب وہ میری بیوی نہی رہی اور اب وہ آزاد ہے سے رجعی طلاق ہو گی یا بائن یا مغلظہ مزید عدت کے بعد طلاق کا حکم کیا ہو گا۔کیا خاوند بیوی دوبارہ آپس میں ازدواجی زندگی گزارنے کی کوئی صورت ہے تو کون سی ۔جواب عنایت فرمائیں۔
جواب
مذکورہ شخص نے اپنی بیوی کو نوٹس کے ذریعے طلاق صریح دے دی اور اس کے بعد اگر نتیجہ کے طور پر یہ الفاظ کہے “اب وہ اسکی بیوی نہیں رہی کیونکہ بارہا اس کے والدین طلاق کا مطالبہ کرتے رہے تو وہ اب آزاد ہے ” اس سے مزید طلاق دینے کا ارادہ نہ تھا تو صرف ایک طلاق رجعی واقع ہو گئی۔ اب عدت کے دوران اسکو رجوع کا حق حاصل تھا لیکن اگر عدت کے دوران اگر اس نے رجوع نہیں کیا تو میں بیوی کا نکاح ختم ہو گیا۔چار ماہ کے بعد جو طلاق دی گئی ہے اس سے پہلے اگر اگر عورت کی عدت گزر چکی تھی تو اب جو طلاق دی ہے وہ لغو ہے ۔ اب اگر وہ آپس میں ازدواجیزندگی گزارنا چاہے تو دوبارہ گواہوں کی موجودگی میں نیا نکاح کرنا ہوگا۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
