مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
تم مجھ سے آزاد ہو جہاں مرضی ہےچلی جاؤ کا حکم
سوال
ایک آدمی نے اپنی بیوی سے کہا کہ یہ موبائل مجھے دے دو اس کے موبائل نہ دینے پر شوہر نے کہا ” تم مجھ سے آزاد ہو جہاں مرضی ہے چلی جاؤ اور ان الفاظ سے اس کی نیت طلاق کی تھی تو اس صورت میں کیا حکم ہے اور کیا کرنا چاہئے؟ مہربانی فرما کرجواب عنایت فرمائیں۔
جواب
عرفِ عام میں لفظ آزاد کے استعمال کے لحاظ سے مختلف مواقع میں مختلف احوال ہیں ، اور شرعاً ان کے احکام بھی مختلف ہیں۔ چونکہ صورتِ مسئولہ میں شوہر کے الفاظ ” تم مجھ سے آزاد ہو جہاں مرضی سے چلی جاؤ ” طلاق میں صریح ہیں لہذا شوہر کے ان الفاظ سے ایک طلاقِ رجعی واقع ہو گی۔ شوہر کو عدت میں رجوع کرنے کا اختیار ہو گا اور رجوع کیے بغیر عدت گزر گئی تو باہمی نکاح ختم ہو جائے گا۔ اس کے بعد اگر ایک ساتھ رہنا چاہیں تو دوبارہ نکاح کر ناضروری ہو گا اور اس صورت میں آئندہ کے لیے صرف دو طلاقوں کا حق باقی ہو گا، بشر طیکہ کوئی اور طلاق نہ دی ہو۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
