مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
زندگی میں جائیداد کی تقسیم اولاد کے درمیان
سوال
میں اپنی زندگی میں جائیداداورپراپرٹی اپنی اولاد میں تقسیم کرنا چاہتا ہوں۔ میری اولاد کی تفصیل یہ ہے : 3بیٹیاں،2 بیٹے ،میری اہلیہ۔ پراپرٹی میں ان سب کاحصہ بنا نا ہے ۔ آپ شریعت کے لحاظ سے تقسیم کا طریقہ کار ہم کو بتائیے اور یہ بھی بتادیں کہ میں اپنے لئے کتنا حصہ رکھوں۔
جواب
واضح رہے کہ آپ اپنی صحت مند زندگی میں( یعنی مرض الوفات میں مبتلا ہونے سے پہلے پہلے) اپنی تمام منقولہ وغیرمنقولہ جائیداد میں ہر جائز تصرف کر سکتے ہیں۔آپ پر اپنی زندگی میں اپنا مال وجائیداد تقسیم کرنا شرعًا ضروری نہیں ہےاور اولاد اس کی تقسیم کا مطالبہ بھی نہیں کرسکتی ۔ البتہ اگر آپ اپنی خوشی سےاپنی اولاد میں اپنی جائیدادتقسیم کرنا چاہیں تو کر سکتے ہیں۔یہ آپ کی طرف سے شرعاً ہبہ (Gift) شمار ہوگا،اور اس پر ہبہ کے شرعی احکام جاری ہوں گے۔
تقسیم کا طریقہ یہ ہے کہ پہلے آپ اپنی بقیہ زندگی کے لئے جو کچھ رکھنا چاہیں رکھ لیں ،تاکہ بعد میں عاجز و محتاج نہ ہونا پڑے ۔پھر اپنی بیوی کو 8/1(آٹھواں حصہ)دیدیں ۔اس کے بعد بہتر یہ ہے کہ آپ تمام بیٹوں اور بیٹیوں کو برابر،برابر حصے دیں،یعنی بیٹیوں کو بھی بیٹوں کے برابر، برابردیں ۔اور اگر آپ میراث کے طریقے کے مطابق بیٹی کوایک اوربیٹے کودُگنا حصہ دیں تو بھی شرعًا درست ہے ،کوئی حرج نہیں ۔لیکن اگر آپ نے اپنی اولاد میں سےکسی کوقیمتی اشیاء مثلاً جہیز، گاڑی،زیور وغیرہ دی ہوں اور دوسری اولادکو نہ دی ہوں تو موجودہ تقسیم میں سابقہ اشیا ء کی مالیت کو ملحوظ رکھنا بہتر اور انصاف کے مطابق ہوگا۔نیز کسی اولاد کو اس کی ضرورت ،خدمت یا معذوری کی وجہ سے زیادہ مال دینا بھی درست ہے؛ بشرطیکہ دوسری اولاد کو نقصان پہنچانا مقصود نہ ہو۔
واضح رہے کہ چونکہ یہ ہبہ ہےلہٰذا اس میں محض زبانی،تحریری یامشترکہ طور پر دیناکافی نہیں ،بلکہ قابلِ تقسیم اشیاء کو باضابطہ تقسیم کرکے ہر ایک کواس کا حصہ عملی طور پرمالک اور قابض بناکر دینا ضروری ہے،اس کے بغیر ہبہ مکمل نہیں ہوگا ۔البتہ جو چیزیں حقیقی تقسیم کے بعد کار آمد نہ رہتی ہو ں ان کو مشترکہ طور پر ہبہ کرسکتے ہیں ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
