ہبہ(گفٹ) مکمل ہونے کے لئے یہ ضروری ہوتاہے کہ ہبہ کرنے والا جس مال وجائیدادکوہبہ کرناچاہتاہے اسے اپنی ملکیت اور تصرف سے نکال کرعملاً تقسیم اورجداکرکےجتناجس کودیناچاہتاہے اس کے قبضہ میں دیدے صرف کاغذات میں نام کرانا کافی نہیں البتہ اگرکوئی پلاٹ وغیرہ کسی ایک یاکئی بیٹوں بیٹیوں کے لئے خریداجائے اور خریدتے وقت ان ہی کے لئے خریدنے کی نیت ہوتو خریدتے ہی وہ ان بیٹوں بیٹیوں کی ملکیت میں منتقل ہوجائے گا،لہٰذا صورتِ مسئولہ میں جوجواشیا مرحوم نے اپنی زندگی میں بقاعدہ اپنی ملکیت اور تصرف سے نکال کرتقسیم کرکےاپنی اولاد کو ہبہ کردی تھیں ان میں ہبہ درست ہوگیااور ان میں دیگر ورثا حصہ دار نہیں ہوں گے،لیکن جوچیزیں مشترکہ طورپر اس طرح ہبہ کی گئی ہوں کہ ہرایک کو اس کاحصہ الگ کرکے نہ دیاہو یا صرف نام کروائی ہوں اوراپنے تصرف سے الگ کرکے قبضہ میں نہ دی ہوں ان میں ہبہ مکمل نہیں ہوابلکہ وراثت جاری ہوگی۔