اس لئےمذکورہ صورت میں بھائیوں کے لئے ضروری ہے کہ قرآنی اور نبوی ہدایات کے مطابق دیگرورثاءکو ان کا حق پورا پورا دیدیں، اس میں کوتاہی یا ٹال مٹول نہ کریں ۔ورنہ سخت گناہ گارہوں گے۔ واضح رہےکہ مذکورہ صورت میں بھائیوں کا گذشتہ عرصہ میں دکانوں سےآنے والا کرایہ وصول کرکے اس کو استعمال کرناشرعاًدرست نہیں تھا۔لہٰذا اب تک وہ جوکرایہ وصول کرتے رہے اور اس میں تصرف کرتے رہے، اس میں سے دیگر وارثوں کے شرعی حصے کے بقدر ادائیگی ان پر شرعا لازم ہے ۔ البتہ اگر آئندہ کے لیےمکان میں رہنے والے دونوں بھائی ،دیگر ورثاء کی رضامندی سےکرایہ داری کا کوئی معاملہ طے کرلیں اور دکانوں سے آنے والے کرایہ کو اپنے اپنے شرعی حصہ کےبقدر تقسیم کرنے کا معاہدہ کرلیں تواس کی اجازت ہے اور اس کے مطابق مکان کا کرایہ ادا کرنا اور معاہدہ کی پاسداری کرنا ضروری ہوگا ۔