نمبر۱۔۳،صورتِ مسئولہ میں شوہر نے “شریعت کو نہیں مانتا “کے الفاظ ثالث کے قول “وہ شرعی طور پر حق خلع کی طرف رجوع کریں گے ، کیونکہ یہ حق شریعت نے بیوی کو دیا ہے” کے جواب میں کہے ، جس سے بظاہر یہ معلوم ہوتا ہے کہ اس شخص کا مقصود شریعت کا انکار نہیں تھا ،بلکہ خاص اس عدالتی خلع سے انکا ر مقصود تھا ، اس لئے اس شخص پر کفر کاحکم نہیں لگا یا جا سکتا اور اس کا سابقہ نکاح بر قرار رہے گا۔البتہ شوہر نے جو عمومی الفاظ کہے ہیں وہ اپنے عموم کے لحاظ سے بہت سنگین ہیں ، جس کی وجہ سے کفر کا اندیشہ ہے ،اس لئے شوہر کو چاہیے کہ وہ اس پر توبہ کرے اور احتیاطا ًتجدیداسلام اور تجدید نکاح کرے۔ (فتاوی محمودیہ21/120ط:ادارہ الفاروق کراچی۔فتاوی دارالعلوم دیوبند 8/283،ط:مکتبہ حقانیہ۔کفایة المفتی 1/49،ط:قدیمی نسخہ)