تخصص فی الافتاء کا آغاز:

دار الافتاء میں تخصص فی الفقہ والافتاء کا قیام در اصل رجال سازی کی ایک سوچ اور جذبہ ہے   جوکہ بانی جامعہ حضرت اقدس   حافظ صغیر احمد – نور اللہ مرقدہ- کی قلبی کڑھن،لگن اور ان کی نظر وفکر کا عکس وثمرہ ہے جس کےلیے وہ تمام زندگی کوشاں رہے، اسی سوچ اور جذبہ کی بنیاد پر سن 1430ھ / 2009ء میں تخصص فی الفقہ والافتاء کا قیام  دار الافتاءکے قیام کے دو سال بعدوجود میں آیا  جس کا باقاعدہ آغاز مفتی حمید اللہ جان صاحب رحمہ اللہ (رئیس دار الافتاء جامعہ اشرفیہ لاہور ) نے فرمایا۔ پھر 2018ء میں دار الافتاء اور تخصصات کی درسگا  نسبتا کشادہ جگہ منتقل ہوگئی اور اس جگہ کا افتتاح حضرت اقدس مفتی محمود اشرف عثمانی صاحب رحمۃ اللہ علیہ کی تشریف آوری اور بیان سے ہوا۔ 

منہج تعلیم:

تخصص فی الافتاء  کے نصاب میں فارغ التحصیل علمائے کرام میں علوم شریعت کی گہری سمجھ  بوجھ پیدا کرنے کے ساتھ ساتھ عوام کی  دینی راہ نمائی کرنے کا  طریقہ اور سلیقہ بھی  سکھایاجاتاہے  اور مفتیان کرام کی نگرانی  میں مسلسل  دو تین سال بھی مشق کرائی جاتی ہے۔اس کے لئے دوسالہ نصاب تجویزکیاگیا ہے   جس میں کچھ کتابیں درساً پڑھائی جاتی ہیں اور کچھ کا مطالعہ کرایا جاتاہے۔