صورتِ مسئولہ میں مرحومہ نےبوقتِ انتقال اپنی ملکیت میں جوکچھ منقولہ وغیرمنقولہ مال وجائیداد، مکان،سونا، چاندی، نقدی، برتن، کپڑے غرض ہر قسم کاچھوٹا بڑا ساز وسامان چھوڑا ہے،وہ سب مرحومہ کاترکہ ہے۔مرحومہ کے کفن ودفن کے اخراجات ترکہ میں سے منہانہیں کئے جائیں گے، بلکہ ان کی ادائیگی مرحومہ کےشوہر کے ذمہ لازم ہے، البتہ اگر مرحومہ کے ذمہ کوئی قرض واجب الادا ہو تو وہ ترکہ میں سے ادا کریں،اس کے بعد دیکھیں اگر مر حومہ نے غیر وارث کے حق میں کوئی جائزوصیت کی ہو تو بقیہ مال کے ایک تہائی (۱/۳) کی مقدار تک اس پر عمل کریں۔اس کے بعد بقیہ مال کے کل آٹھ (۸)حصّے کرکےان میں سےدو (۲) حصے مرحومہ کے خاوندکو، دو(۲)حصے بیٹے کو اور ایک ایک حصہ مرحومہ کی ہربیٹی کو دیدیں۔