واضح رہے کہ ہبہ (گفٹ) مکمل ہونے کے لئے یہ ضروری ہے کہ جس کو جو چیز ہبہ کی جائے اسے اس کا مالک وقابض بناکر دینا ضروری ہےکہ جسے ہبہ کیاگیاہے وہ اس چیز کو استعمال کرنے کا حق رکھتاہو، صرف کسی کے نام سے کوئی چیز خریدلینایااس کے لئے بنواکر الگ رکھنا کافی نہیں، لہٰذا سوال میں ذکرکردہ اشیاء برتن ، بستر، زیور ،رقم اور قالین وغیرہ میں آپ کی والدہ کی طرف سے بہنوں کے لئے ہبہ مکمل نہیں ہوا، یہ سب اشیاءمرحومہ کے ترکہ میں شامل ہوں گی، اگر ان بہنوں کو ان اشیاء کے مالکانہ حقوق مکمل طور پر دئیے جاچکے ہوتے، انہیں تصرف کرنے کا حق حاصل ہوجاتااوروالدہ کا عمل دخل ختم ہوجاتا تب ان اشیاء پر ان کی ملکیت ثابت ہوجاتی ۔ تاہم اگر ورثاء سب عاقل بالغ ہوں اور وہ اپنی خوشی سے اپنی والدہ مرحومہ کی چاہت کی خاطر یہ اشیاء ان بہنوں کو دینا چاہیں تو دے سکتے ہیں۔