مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کسی کو اپنے ذاتی غیر مستعمل بٹوے سے نقدی ملے اور وہ بٹوہ ایک عرصے سے اس کے پاس ہو؟
سوال
سائل نے ڈیڑھ سال قبل ذاتی استعمال کے لیے چند بٹوے خرید ے تھے ، ایک بٹوہ استعمال میں رہا جب وہ قابل استعمال نہ رہا تو دوسرے بٹوے اٹھائے جس میں ایک غیر مستعمل نئے بٹوے سے 50ہزار نقدی نکلی۔اور سائل کویہ یاد نہیں کہ وہ اس کے ذاتی ہیں یا کہاں سے آئے ؟ نیز سائل کی اس طرح رقم رکھنے کی عادت بھی ہے اور جس سے یہ بٹوے خریدے گئے اس سے رابطہ ممکن نہیں ہے دریافت طلب امر یہ ہے کہ اس نقدی کا شرعی حکم ومصرف کیا ہے ؟
جواب
صورت مسئولہ میں آپ اس رقم کے بارے میں خوب غور کریں،اگر آپ کو یقین یا ظن غالب ہو جائے کہ یہ رقم آپ کی ہے تو یہ رقم آپ استعمال کر سکتے ہیں اور اگر آپ کا ظن غالب یہ ہو کہ یہ رقم آپ کی نہیں ہے یا شک ہو کہ معلوم نہیں میری ہے یا کسی اور کی ہے اور وہاں آنے جانے والوں سے آپ نے پوچھ بھی لیا ہو کہ کسی نے یہ رقم بٹوہ میں نہیں رکھی ،اور انہوں نے لاعلمی ظاہر کی تو یہ رقم لقطے کے حکم میں ہوگی ،جس کا حکم یہ ہے کہ آپ کسی مستحق زکوۃ کو اصل مالک کی طرف سے نیت کر کے صدقہ کردیں ۔ واضح رہے کہ آپ کے صدقہ کرنے کے بعد اگر اس رقم کے مالک کا علم ہوجائے تو اس کو صورت حال بتانی ہوگی ،پھر اگر وہ راضی ہوگیا تو ٹھیک ہے ورنہ آپ کو یہ رقم اسے واپس کرنا ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
