مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
اولاد کی پرورش کا حق دار کون ہوگا؟
سوال
اسلامیِ نقطہ نظر سے بچے کتنی عمر تک ماں کے پاس رہ سکتے ہیں ؟کیا بچوں کو تقسیم کیا جا سکتا ہے جبکہ تین لڑکے ہوں۔
جواب
اولاد کے حق ِپرورش کے بارے میں شریعت کا اصول یہ ہے کہ لڑکے کی عمر (7)سات سال ہونے تک اور لڑکی کے بالغہ ہونے تک ان کی پرورش کا حق ماں کو ہوتا ہے، اس کے بعد باپ کو لینے کا اختیار ہوتا ہے۔ نیز واضح رہے کہ بہترین اور اعلیٰ پرورش بچوں کا حق ہے اور سب سے بہتر پرورش ماں ہی کر سکتی ہے کیونکہ ماں کے دل میں اپنی اولادکی شفقت سب سے زیادہ ہوتی ہے اس لئے شریعت نے سب سے پہلے یہ حق ماں کو دیا ہے، لہذا ماں پر دباؤ ڈال کر اس سے بچوں کی تقسیم کا مطالبہ کرنادرست نہیں ہے لیکن اگر ماں پرورش نہ کرنا چاہے یا کوئی ایسا کام کر لے جس سے شرعاً اس کا حق پرورش ساقط ہو جاتا ہو مثلاً کسی ایسے شخص سے نکاح کرلے جو بچوں کے حق میں نامحرم ہو یا کوئی ایسی ملازمت اختیار کرلے جس سے اس کا زیادہ وقت باہر گزرتا ہو اور بچوں کے حقوق ضائع ہونے لگ جائیں تو دوسرےنمبر پر بچے نانی کے پاس رہیں گے اور اگر نانی نہ ہو تو بچے دادی کے پاس رہیں گے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
