ہم دونوں میاں بیوی کے درمیان جھگڑا ہوا اور میں اقرارکرتی ہوں کہ میرے اندر بہت غصہ ہے اور اسی غصے کی بنا پر میں نے خود اپنے شوہر سے طلاق کا مطالبہ کیا اور بار بار کیا جس پر میرے شوہر نے مجھے طلاق دے دی اور میں اپنی امی کے گھر آگئی دوسرے دن خود مجھےاحساس ہوا اور میرے شوہر نے قریبی مسجد کے امام صاحب سے اس بات کا ذکر کیا انہوں نے کہا کہ آپ دوبارہ رجوع کر سکتے ہیں جس پر ہم نے اللہ سے توبہ بھی کی کہ آئندہ نہ وہ مجھ سے ایسے الفاظ کہیں گے اور نہ میں مطالبہ کروں گی اور انہوں نےمجھے یہ بھی بتایا کہ قاری صاحب نے کہا ہے کہ آئندہ اگر دو سال یا جتنی بھی مدت کے بعد آپ یہ الفاظ استعمال کرو گے تو وہ دوسری شمار ہوگی اور پھر دو ہو یا تین بار بات ایک ہی ہوتی ہے میں نے بھی دل میں اللہ سے معافی مانگی اور اس کے بعد ہم ٹھیک طریقے سے رہنا شروع ہو گئے اس کے بعد میں حاملہ ہوگئی اور یہ سارا واقعہ 24 اپریل 2013 کا ہے۔اس کے ٹھیک ایک ماہ اورتین دن بعد یعنی 27 مئی 2013 کو چھوٹی سی بات پر ہمارا شدید جھگڑا ہوا لیکن میں نہ چاہتی تھی کہ وہ مجھ سے پھر ایسے الفاظ کہیں میں نے اپنے ابوکو گھر سے بلوایا اور پھر اچانک میرے شوہر نے میرےوالد کے سامنے پھر طلاق کے الفاظ کہے جس کی مجھے توقع نہیں تھی اور چونکہ میرے شوہر نے  مجھے بتایا تھا کہ دو مرتبہ طلاق دینے  سے  رجوع نہیں ہو سکتا اور تیسری مرتبہ سےبھی نہیں ۔  میں غصے میں اٹھی اور الماری سے اپنے کپڑے نکالنےشروع کر دیئے اور پھر کمرے سے باہر آکر اپنے شوہرسے مطالبہ کیا کہ دو مرتبہ تو کہہ دیا ہے تیسری مرتبہ ہے بھی کہہ دو تو انہوں نے مجھے تیسری مرتبہ بھی وہ الفاظ کہہ دیے ۔اب میں اور میرا شوہر جن کو اس واقعہ کے تیسرے روز بعد روزگار کے سلسلے میں بیرون ملک جانا تھا۔ اب وہ اپنے اس سرکردہ گناہ پر سخت ندامت ہے اوراس سے زیادہ اس خدا کی ذات سے اور اس غلطی کے ازالےکے لیے ہمیں کیا کرنا ہوگا؟