مدرسہ میں آنے والی رقم کے بارے میں حکم یہ ہے کہ جس مد میں وہ رقم دی گئی ہے اسی مد میں وہ  رقم لگائی جائے کسی ذریعہ آمدنی میں نہ لگائی جائے کیونکہ چندہ دینے والوں نے یہ رقم مدرسہ کی ضروریات میں استعمال کرنے کے لئے دی ہے کسی کا روبار میں لگانے کے لئے نہیں دی اور حتی الامکان چنده دینے والوں کی منشاء کی رعایت کرنا ضروری ہے۔ لہذا صورت مسئولہ میں تملیک کا جائز طریقہ اختیار کرنے کے بعد مدرسہ کو دیا گیا چندہ مدرسہ کی ضروریات اور مصارف میں ہی صرف کیا جائے کاروبار میں نہ لگایا جائے اوراگر لگا دیا ہے تو اسے کاروبار سے نکال کر اس سے مدرسہ کی جس قدر تعمیر ممکن ہے اس میں صرف کیا جائے۔ البتہ اگر چندہ دہندگان کاروبار میں لگانے کی اجازت دیں تو ایسی  صورت میں کاروبا میں لگانے کی اجازت ہے۔ واضح رہے کہ مدرسہ کے لیے دیئے گئے چندہ میں زکوٰۃ واجب نہیں ہوتی ۔