سوال میں ذکر کردہ الفاظ میں سے پہلے لفظ سے طلاق واقع ہونے کے حوالہ سے تفصیل یہ ہےکہ اگر یہ لفظ استعمال کرنے والے شخص نے پہلے کبھی طلاق نہیں دی اور نہ ہی عورت پہلے کسی اور شخص سے مطلقہ ہے تو ان الفاظ سے ایک طلاق رجعی ہو جائیگی کیونکہ یہ صریح لفظ ہے اور صریح لفظ میں نیت کی ضرورت نہیں ہوتی اور اگر ان الفاظ کے استعمال سے پہلے طلاق دی ہوئی ہے تو ان الفاظ سے مزید طلاق نہیں ہو گی بشرطیکہ انشاء طلاق کی نیت نہ ہو۔ اور دوسرے الفاظ کے استعمال کا حکم یہ ہے کہ جب بھی جانور کو مخاطب کر کے یہ الفاظ کہے اور جانور کی خدمت کرنے والی اسکی بیوی ہو تو طلاق ہو جائے گی۔