مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ادھار کی ادائیگی میں ٹال مٹول کرنا
سوال
تجارت میں یہ عام بات ہےکہ ادھارمیں لین دین ہوتا ہے۔ ادھار لینے والا ایک دفعہ کل رقم ادا نہیں کرتا بلکہ توڑ توڑ کرکےبلکہ وعدہ سے بعض اوقات مہینہ دو مہینہ اوپر کرکے دیتا ہے شرعا ایسا کرنا کیسا ہے؟ اس سے زیادہ بھیانک رواج یہ ہے کہ ادھار لینے والا یہ کہہ کر لیتا ہے کہ میں فلاں کا کام کر رہا ہوں اس سے وصولی ہوگی تو دے دوں گا اور اس کام میں اتنے دن لگیں گے مثلاً 28 سے 35 دن یا 35 سے 45 دن وغیرہ۔ مگر تین تین ماہ ادائیگی میں لگا دیتے ہیں۔ ان کے اپنے بھی عملے سے یہ تصدیق ہو جاتی ہے کہ ہم سے لیا ہوا مال جہاں سپلائی کیا تھا ان سے رقم وصول ہو چکی ہے ۔ مگر وہ ہماری رقم استعمال کرتے رہتے ہیں کیا ایسا کرنا شرعا درست ہے ایسے تاجر بھی ہیں الحمدللہ انکے کاروبار میں وسعت ہے لیکن رواج کی وجہ سے رقم توڑ توڑ کر دیتے ہے کیا ایسا کرنا شرعا درست ہے؟
جواب
قرآن و حدیث میں متعدد مقامات پر وعدہ پورا کرنے کی تاکید کی گئی ہے اور وعدہ کی خلاف ورزی کرنے کو گناہ قرار دیا گیا ہے اور اس پر سخت وعیدیں وارد ہوئی ہیں یہاں تک کہ احادیث مبارکہ میں اسے منافقت کی علامات میں شمار کیا گیا ہے اسی طرح شریعتِ مطہرہ میں قرض کی ادائیگی میں جلدی کرنے کا حکم دیا گیا ہے اور وسعت مالی اور قرض کی ادائیگی پر قدرت کے باوجود ٹال مٹول کرنے کو حدیث شریف میں ظلم کہا گیا ہے لہذا وسعت مالی کے باوجود مقروض کا قرض کی ادائیگی میں تاخیر کرنا، نیز سوال میں ذکر کردہ صورت حال میں یکمشت ادائیگی پر قدرت ہوتے ہوئے رقم ( توڑ توڑ کر) قسطوں میں ادا کرنا ناجائز اور گناہ ہے اور وعدہ کی خلاف ورزی کرنے کی وجہ سے گناہ مزید سنگین ہو جاتا ہے اس لئے ایک مسلمان پر لازم ہے کہ وعدہ خلافی سے بچنے کی پوری کوشش کرے اور ہمیشہ وعدہ پورا کرنے کا اہتمام کرے نیز قرض کی ادائیگی پر قدرت حاصل ہوتے ہی فور اقرض ادا کرے بہتر طریقہ یہ ہے کہ اپنی استطاعت وقدرت کے مطابق ادائیگی کے شیڈول کے ساتھ وعدہ کیا جائے اور اس کو پورا بھی کرنے کی نیت ہو۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
