مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
ایک طلاق کی عدت گزرنے کے بعد تین طلاقیں دینا
سوال
ایک شخص نے اپنی بیوی کو مؤرخہ 7مئی 2008 کو ایک طلاق دی ۔عدت کے دوران مصالحت کی کوشش کی گئی لیکن کارگر نہ ہوئی ۔شوہر نے ایک سال بعد بمؤرخہ 11ماچ 2009ء اپنی زوجہ کو نوٹس بھیجا جس میں تین طلاقیں درج تھی۔
اب زوجین باہم ازدواجی زندگی گزارنا چاہتے ہیں، ان کے لیے جو بھی صورت شرعیہ ممکن ہے ۔ راہ نمائی فرمائیں تاکہ زوجین پھر سے ازدواجی زندگی استوار کرسکیں ۔
نوٹ: دوسر ی دفعہ جو طلاق دی گئی اس وقت پہلی طلاق کے بعد تین ماہ واریاں گزر کرکے عدت مکمل ہوچکی تھی ۔ اور شوہر نے عدت میں رجوع بھی نہیں کیا ۔
جواب
سوال میں ذکر کردہ صورت حال اگر حقیقت پر مبنی ہے کہ شوہر نے ایک طلاق دینے کے بعد دوران عدت مزید طلاق نہیں دی اور نہ ہی طلاق کے بعد عدت میں رجوع کیا بلکہ عدت گزرنے کے بعد تین طلا ق کا نوٹس بھیجا تواس صورت میں چونکہ عدت گزرنے کی وجہ سے نکاح ختم ہوچکا تھا اس لیے عدت کے بعد دی گئی تین طلاقیں لغو ہیں ان کا اعتبار نہیں ہوگا ۔اب یہ دونوں دوبارہ نکاح کرکے آپس میں اکٹھے رہ سکتے ہیں بشرطیکہ پہلی طلاق سے پہلے کبھی طلاق نہ دی ہو ۔واضح رہے کہ شوہر کے پاس اب صرف دوطلاقوں کا حق باقی رہ گیا ہے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
