مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
یوگا ورزش کرنے کا شرعی حکم
سوال
یوگا کرنے کا کیا حکم ہے بعض لوگوں کا کہنا ہے کہ یہ جائز نہیں ہے اس کے بارے میں راہنمائی فرمائیں۔
جواب
واضح رہے کہ یوگا ورزش کے پیچھے بہت سے ہندوانہ باطل عقائد کارِفرما ہیں۔اور اس میں متعدد شرعی مفاسد بھی پائے جاتے ہیں،ان خرابیوں کی موجودگی میں یوگا ورزش کرنا شرعاً جائز نہیں ہے۔تاہم اگر کوئی شخص اپنے جسم کو تندرست رکھنے کے لئے یا کوئی ڈاکٹر کسی مریض کی علاج کے لئے یوگا تجویز کرے تو مندرجہ ذیل شرعی امور کا لحاظ رکھ کر ان خرابیوں سے بچتے ہوئے یوگا کرے تو اس کی گنجائش ہے۔
نمبر1۔ہندوؤں سے یوگا ورزش نہ سیکھی جائے۔ 2۔اس میں عبادت کی نیت شامل نہ ہو۔ 3۔غیرمسلموں کی عبادت گاہوں کا رخ نہ کیا جائے۔ 4۔یوگا کرنے والے کے ذہن میں اس کے پسِ منظر میں موجود ہندوانہ عقائد و خیالات میں سے کوئی خیال اور شرکیہ عقیدہ نہ ہو۔ 5۔یوگیوں کا مخصوص لباس نہ پہنا جائے۔ 6۔سورج طلوع اور غروب کے اوقات میں یہ ورزش نہ کی جائے(یہ دو اوقات ہندؤں کی عبادت کا وقت ہوتا ہے)۔ 7۔یوگا ورزش کی ابتدا ورزش کے دوران یا اختتام پر پڑھے جانے والے اسلامی تعلیمات کے خلاف مضامین پر مبنی مخصوص کلمات ادا نہ کئے جائیں۔ 8۔ورزش کے دوران ہندوؤں کے طریقہ عبادت کی نقالی نہ کی ہو۔ 9۔ورزش میں اس قدر انہماک نہ ہو کہ فرائض وواجبات میں کوتاہی واقع ہو۔ 10۔ورزش مرد عورت کے مخلوط ماحول میں نہ ہو۔ 11۔ورزش کے دوران ستر ڈھکنے کا مکمل اہتمام ہو۔ 12۔ورزش جسمانی لحاظ سے مضر نہ ہو(مثلاً:سورج کی طرف ٹکٹکی باندھ کر دیکھنا)۔ 13۔محض جسم کو تندرست رکھنے کی نیت سے کی جائے،یوگا میں مہارت حاصل کرنااور اس کے ذریعے خلاف عادت افعال پر قادر ہونے کے در پہ نہ ہو۔14۔یوگا میں بہتری کے لئے حلال چیزوں سے پرہیز کا التزام نہ کرے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
