مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کیاچیک پرقبضہ نقدی پرقبضہ ہے؟
سوال
چند آدمیوں نے مل کر کمیٹی ڈالی،جب میری کمیٹی نکلی تو کمیٹی ڈالنے والے ذمہ دار نے مجھے بیرون ملک اکاونٹ کا چیک دیدیا اور اکاونٹ غیر ملکی بنک کاتھا۔ اس چیک کو کیش کروانے میں میرے لئے دشواریاں زیادہ تھیں تو میں نے اکاونٹ ہو لڈر سے کہاکہ آپ ہی مجھے چیک کیش کروادیں ، آپ کے لئے آسانی ہے اور مجھے مشکل پیش آئےگی۔ و ہ بینک سے کیش کرواکر واپس آرہے تھے ،راستہ میں ڈاکووں نے ان سے وہ رقم چھین لی اور ان کے پاس کچھ بھی نہ بچا ۔ اس صورت میں ضمان اکاونٹ ہولڈر پر ہو گا یا مجھ پر ؟
جواب
مسئولہ صورت میں جب آپ نے چیک ( حوالہ کی رسید ) اکاونٹ ہولڈر(محیل یعنی حوالہ کرنے والا)کویہ کہہ کر “آپ ہی مجھے یہ چیک کیش کروادیں ۔۔۔”واپس کردیا توشرعاً یہ عقد حوالہ ختم ہو گیا تھا۔ اس لئے اس کے بعد جو بھی نقصان ہو ا اس کا ذمہ دار اکاونٹ ہولڈر ہی ہے ،آپ نہیں ہے ۔
واضح رہےبینک چیک مال یاثمن نہیں ہے(نہ اصلی نہ عرفی)، بلکہ مال کے حوالے کی رسید ہے،اس لئے جب تک نقدی پر قبضہ نہیں ہوجاتا اس وقت تک صرف رسید(چیک) کی ادائیگی کورقم کی ادائیگی کے لئے کافی سمجھنا ،شرعاً درست نہیں ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
