مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کو ایجوکیشن(مخلوط تعلیمی اداروں) کا حکم
سوال
مجھے کالج مینیجمنٹ میں کام کرتے ہوئے 10 سال سے زائد کا عرصہ گزر چکاہے ۔ اب میں اپنا کالج کھولنا چاہتا ہوں۔ لیکن جیسا کہ آپ کے علم میں ہے کہ آج کل تمام کالجز میں کو ایجوکیشن ہے اور اسی میں لوگوں کی دلچسپی بھی ہے۔ اب کیا میں کو ایجوکیشن کے ساتھ کالج کھول سکتا ہوں۔ یعنی کلاسسز میں لڑکے اور لڑکیاں ایک ساتھ تعلیم حاصل کریں۔ جبکہ میرا ارادہ ہے کہ میں حتی الامکان کوشش کروں گا کہ زیادہ اختلاط نہ ہو۔ لڑکے لڑکیاں کالج میں آئیں اور تعلیم حاصل کرکے چلے جائیں۔ اس کے ساتھ ساتھ کیا فی میل ٹیچرز کو ٹیچنگ کےلیے رکھا جاسکتا ہے۔ کیا کو ایجوکیشن سے حاصل ہونے والی کمائی حلال ہوگی یا حرام۔
جواب
شریعتِ مطہرہ میں مرد و زن کے اختلاط کو ممنوع قرار دیا گیا ہے۔بحیثیتِ مسلمان ہمارا شرعی اور اخلاقی فريضہ بنتا ہے کہ ہم ایسے تعلیمی ادارے بنائیں جن میں مرد و خواتین کا اجتماع نہ ہو ،دونوں ایک دوسرے سے جدا رہیں ۔
ٍصورتِ مسؤلہ میں چونکہ آپ کا ارادہ اپنا کالج کھولنے کا ہے تو آپ کو چاہیے کہ آپ مرد و خواتین کے لیے علیحدہ انتظام کریں کہ لڑکیوں کی تعلیم باپردہ ماحول میں لڑکوں سے بالکل الگ ہواور اس طرح کا ادارہ بنا کر آپ ان لوگوں کے لیے مثال پیش کریں جو اس طرح کے تعلیمی نظام کو ناممکن قرار دیتے ہیں ،نیز یہ آپ کے لیے ایک بہت بڑی خیر کا دروازہ بھی ثابت ہوگا؛ کیونکہ آپ کو دیکھ کر کسی اور نے اس طرح (غیر مخلوط کالج) کھولا تو اس کا اجر و ثواب بھی آپ کو ملے گا ، اس لیے کہ جو شخص کسی خیر کے کام کا افتتاح کرتا ہے اور دوسرے بھی اس کام کو کرنے لگ جائیں تو دوسروں کے کرنے کاثواب بھی اس شخص کو ملتا رہتا ہے،البتہ اگر کوئی شخص پھر بھی مخلوط تعلیمی ادارہ کھول لیتا ہے تو مرد و خواتین کے اجتماع کا سبب بننے کا گناہ تو ملے گا لیکن حاصل ہونے والی آمدن حرام نہ ہوگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
