مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کسی کے ساتھ کاروبار میں شریک ہونے کا طریقہ کار
سوال
میرا بھائی ایک کمپنی کے ساتھ انویسٹمنٹ کرنا چاہتا ہے کمپنی کا یہ کہنا ہے کہ ۱۰ لاکھ روپے ہمیں دیں تو ہر ماہ آپ کو ۱۳ سے ۱۷ فیصد نفع دیا جائے گا اور مدت پوری ہونے پر آپ کو ہر حال میں آپ کے ۱۰ لاکھ واپس بھی دیے جائیں گے، اس کاروبار میں چونکہ نقصان ہوتا ہی نہیں اس لیے کمپنی نقصان کے متعلق کوئی بات ہی نہیں کررہی۔ کیا اس طریقے سے اس کمپنی کے ساتھ کاروبار کرنا درست ہے یا نہیں؟
جواب
سوال میں ذکر کردہ طریقے سے کاروبار کرنا درست نہیں بلکہ اس کی جائز صورت یہی ہے کہ اس معاملے کو شرعی شرکت کی بنیاد پر عمل میں لایا جائے۔ جس کی تفصیل یہ ہے کہ اولاً فریقین اپنے اپنے سرمائے کا تعین کریں اور پھر منافع کی کوئی ایک شرح فیصد کے لحاظ سے طے کریں کہ کاروبار سے ہونے والے نفع میں سے کس کو کتنا حصہ ملے گا۔ کسی فریق کے لیے کوئی متعین رقم نفع کے طور پر طے نہ ہو۔ اور یہ طے کریں کہ فریقین اپنے اپنے سرمائے کے تناسب سے نقصان میں بھی شریک ہوں گے۔ جب عملاً کاروبار شروع ہوجائے تو مکمل حساب کرکے نفع نقصان کا تعین کریں اندازے سے نہ کریں۔ اور نفع کو طے شدہ تناسب کے مطا بق آپس میں تقسیم کریں۔ نیز سرمائے کے ضمان یعنی ہر حال میں مکمل سرمایہ کی واپسی کی شرط ختم کردیں۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
