مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
کسی کی طرف منسوب کرکےجعلی طلاق نامہ تیارکروانےسےطلاق واقع نہیں ہوتی
سوال
تقریباً نوسال پہلے ہم میاں بیوی کے درمیان جھگڑا ہوا تھا اور ناراضگی میں، میں لاہور سے ملتان چلاگیاتھا، اس کے ایک ہفتے کے بعد میرے بھائی میرے برادرِ نسبتی (سالے) سے ملےاور ان کو ایک کاغذ دیا جس پر میری جانب سے جھوٹی تین طلاقیں لکھی ہوئی تھیں اور میرے جعلی دستخط بھی اس پر تھے ۔
مفتی صاحب! میں اللہ تعالیٰ کو حاضر ناظر جان کر کہتاہوں کہ مجھے نہیں معلوم کہ یہ کاغذ کیسے بنا ، میں نے کبھی تحریری یازبانی طلاق نہیں دی ،یہ کاغذ جعلی بنائے گئے ہیں ،نیز اس کے اوپر جن حضرات کے بطور گواہ دستخط ہیں ان کا کہنابھی یہی ہے کہ ہم نے دستخط نہیں کئے،ایسی صورت میں ہمارے لئے کیاحکم ہے ؟۔
جواب
سوال میں ذکرکردہ تفصیل اگر واقعہ کے مطابق ہےاور اس میں کسی قسم کی غلط بیانی نہیں کی گئی ہے اورواقعۃ ً آپ نے کبھی (تحریری یازبانی) کوئی طلاق نہیں دی ، آپ نے طلاق نامہ تیار کرکے رکھا ہوا بھی نہیں تھا ، اورآپ نےبھائی کوطلاق نامہ لکھوانےکاوکیل بھی نہیں بنایا،بلکہ آپ کے بھائی نے جعلی طلاق نامہ تیار کروایاہے تو ایسی صورت میں شرعاً کوئی طلاق واقع نہیں ہوئی، آپ کے درمیان نکاح بدستور قائم ہےاور آپ کا باہمی اکٹھے رہنا بلاشبہ جائز اور درست ہے ۔
نیز کسی کی طرف منسوب کرکے جعلی طلاق نامہ تیار کروانا عنداللہ گناہِ کبیرہ اور سنگین جرم ہے، اس پر توبہ کرنا اور صاحبِ حق سے معافی مانگنا ضروری ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
