پھر جب اسی کسٹمر نے دوبارہ آٹھ لاکھ کےسامان کا آرڈر دیا تو وہ سامان عبد القیوم صاحب کے ایک ساتھی بھائی انس صاحب(جوکہ سابقہ کمپنی کے ساتھ کاروبار کرتاہے) کے پاس موجود تھا، جب عبد القیوم صاحب نے بھائی انس صاحب سے بات کی ، تو بھائی انس نے کہا کہ ٹھیک ہے کمپنی کے نام سلپ کسٹمر سے بنوائے،میں کمپنی سے تصدیق کرادوں گا،عبد القیوم صاحب نے بھائی انس کے کہنے پر کسٹمر سے کمپنی کے نام آٹھ لاکھ کا سلپ منگوایا اور وہی سلپ بھائی انس کو سینڈ کردی جس کا بھائی انس نے کمپنی سے تصدیق کراکر مجھے بھی آگاہ کیا۔ اس سےاگلے دن بروز پیر 24جون کو اسی کسٹمر نے آرڈر کے بعد پیمنٹ کی دو رسیدیں بھیجیں،ایک 23،50،000 اور دوسری 130،0000 کی۔ ساڑھے تیئس لاکھ کی سامان بھائی انس کے پاس تھا اور تیرہ لاکھ کی سامان کامران کے پاس اور دونوں کو آگاہ کیا کہ یہ لاہور سے باہر فیصل آباد کی پارٹی ہے ،میں اس کو نہیں جانتابلکہ فیس بک سے اس بندے نے رابطہ کیا ہے اور میں نے رقم ویریفائی کرائے بغیر سامان نہیں دینی۔ انس بھائی کو وائیس میسیج کیا کہ اس کی ویریفائی کرائی ،میں قریب ہوں آرہاہوں میں نے سامان لے کر دینا ہے کسٹمر کا ڈرائیور پہنچ رہاہے ، اس نے ok کا میسیج کیا اس کے بعد کامران کو کال کی تو اس نے کہا کہ مجھے ویریفائی کرانے میں ایک دو گھنٹے لگیں گے،میں نے کہا کہ ٹھیک ہے۔ جب میں بھائی انس کے پاس پہنچا ، اس نے کہا کہ رقم زیادہ پہنچ گئی ہے میں نے کہا کہ بقایا کا سامان دیدیں گے ، اس کے بعد بھائی انس نےمیرے سامنے مال نکلوایا اور کسٹمر کے ڈرائیور کے حوالہ کیا ۔ سامان حوالہ کرنے کے بعد بھائی انس نے جب کمپنی کو پیمنٹ کی ویریفائی کرنے کےلئے فون کیا تو عبد القیوم صاحب نے فورا کہا کہ بھائی تم نے ابھی تک ویریفائی نہیں کرائی ،اگر آپ مجھے بتاتے تو ہم ویریفائی ہونے کا انتطار کرتے اس پھر بھائی انس نے کہا کہ پریشانی کی کوئی بات نہیں ۔ کمپنی کو فون کرنے کے بعد ان کا جواب آیاکہ یہ رقم بینک میں نہیں پہنچی اور سابقہ تین رقمیں بھی کلیر نہیں ہوئیں۔عبد القیوم صاحب فورا کمپنی بھاگے اور مالکان اور اکاؤنٹنٹ سے رابطہ کیا کہ آپ تو ویریفائی کر اچکے ہیں جس پر اکاؤنٹنٹ نے اعتراف کیا کہ مجھ سے کوتاہی ہوئی ہے ، میں نے سلپ دیکر ok کردیا ،اسٹیٹمنٹ نہیں نکلوائی، لیکن آپ فکر نہ کریں ، مالکان نے فورا پیروی شروع کردی ہے ، چوتھی مرتبہ کا ڈیل جوکہ کسٹمر ، عبد القیوم اور بھائی انس کے درمیان تھی جس میں بھائی انس نے عبد القیوم صاحب کو okکی آواز دی تھی ، لیکن کمپنی سے ویریفائی نہیں کی تھی ،بلکہ سامان بھیجنے کے بعد ویریفائی کی ، اگر یہ پہلے کر لیتے تو فراڈ کنندہ کے ڈرائیور کو پکڑنے میں کامیاب ہوتے اور نقصان سے بچ جاتے۔ اب یہ ہے کہ عبد القیوم صاحب کی تیس لاکھ کی رقم جوکہ بھائی انس کے والد کے پاس سے کا روبارکے مد میں موجود ہے ،اس رقم کا اس معاملہ سے کوئی تعلق نہیں اور یہ رقم عبد القیوم صاحب کی ذاتی بھی نہیں بلکہ کسی اور شخص نے ٍٍٍان کو انویسٹ کرنے کےلئے دیاتھا،انس اور ان کے والد کا کہنا ہے کہ اس کا نقصان کا ذمہ دار عبد القیوم صاحب ہے اور اس نقصان کی تلافی اسی تیس لاکھ سے کریں گے۔کیونکہ ہم کسٹمر کو نہیں جاتے بلکہ عبد القیوم صاحب کو جانتے ہیں اور ہم نےسامان عبد القیوم صاحب کو دئیے ہیں اور اس نے ہمیں فیک رسیدیں دی ہے۔اب پوچھنا یہ ہے کہ کیا اس نقصان کاذمہ دار عبد القیوم صاحب ہے یانہیں؟