نمبر۱۔ماہانہ کرایہ۔۔۔۔۔۔۔ طے پا گیا ہے۔ نمبر۲۔جتنے سال ( عرصہ) کے لیے کرایہ داری قائم کی گئی ہے اُس مدت کا پیشگی کرایہ وصول کر لیا گیا ہے۔ نمبر۳۔دوران مدت کرایہ داری کرایہ دار (محمد ارشد) اگر معاہدہ کرایہ داری ختم کرنا چاہتا ہے تو کرایہ دار (محمد ارشد ) متعلقہ دوکان کے لیے نیا کرایہ دار بندو بست کرنے کا خود سے ذمہ دار ہو گا ۔ نمبر۴۔ایسی صورت میں کرایہ دار ( محمد ارشد) کے ٹوٹل پیشگی وصول شدہ کرائے میں سے جتنا عرصہ کرایہ دار (محمد ارشد ) نے متعلقہ دوکان اپنے استعمال میں رکھی ہے۔ اس عرصہ کا کرایہ منہا ہو جائے گا اور بقایا پیشگی کرایہ وہ نئے آنے والے کرایہ دار صفدر خان ) سے لینے کا حقدار ہے۔ مالکان کو اس پر کچھ اعتراض نہ ہوگا۔ نمبر۵۔نئے کرایہ دار ( صفدر خان ) کے ساتھ شرائط کرایہ داری اور مدت کرایہ داری حسب سابق شرائط پر قائم اور برقرار رہے گی۔ نمبر۶۔نیا کرایہ دار ( صفدر خان ) مبلغ ۔۔۔۔۔ روپے بطور ٹرانسفر فیس مالکان دوکان ہذا کو دینے کا پابند ہوگا۔ نمبر۷۔پلازہ کا مین گیٹ صبح 8 بجے سے لے کر رات 11 بجے تک کھلا رکھا جائے گا اور صرف اسی دوران متعلقہ کرایہ داران کو پلازہ میں داخل ہو کر متعلقہ دوکان کو کھولنے کی اجازت حاصل ہوگی ۔ نمبر۸۔کرایہ دار کو شکمی کرایہ داری قائم کرنے حق حاصل نہیں ہے۔ نمبر۹۔کرایہ دار اپنے یوٹیلٹی بلز Utility Bills خود سے ادا کرنے کا پابند ہوگا۔ نمبر۱۰۔کرایہ دار کو متعلقہ دوکان کی حدود سے تجاوز کرنے کا حق حاصل نہیں ہے۔ نمبر۱۱۔کرایہ دار متعلقہ دوکان میں ہونے والے کسی بھی نوعیت کے نقصان کا خود سے ذمہ دار ہوگا۔ نیز بجلی کا میٹرجل جانے ، خراب ہو جانے ، مالکان کی طرف سے لگائے پنکھوں شیشے کے فریم ہنٹرز ، ہر طرح کی بجلی کی فٹنگ رنگ و روغن میں کسی بھی نوعیت کا نقصان ہو جانے پر خود کے خرچے سے درست کرنے اور مدت معاہدہ کرایہ داری کے خاتے پر تمام inventory کو درست چالو حالت میں واپس کرنے کا پابند ہوگا۔