صورتِ مسئولہ میں مرحوم نے بوقتِ انتقال اپنی ملکیت میں مذکورہ مكان سمیت جو کچھ منقولہ وغیر منقولہ مال،جائیداد،سونا ،چاندی،نقدی اور ہر قسم کا چھوٹا بڑا گھریلو ساز وسامان چھوڑا ہے وہ سب مرحوم کا ترکہ ہے اس ميں سے سب سے پہلے مرحوم کے کفن دفن کے متوسط اخراجات نکالے جائیں ، اگر وہ اخراجات کسی نے اپنی طرف سے بطور ِ احسان ادا کئے ہوں تو اب وه کُل ترکہ سے نہیں نکالے جائیں گے ،اس کے بعد دیکھیں اگر مرحوم پر کسی کا واجب الاَداء قرضہ ہو تو بقیہ ترکہ سے اسے ادا کیا جائے ،اس کے بعد دیکھیں اگر مرحوم نے کوئی جائز وصیت کی ہو تو بقیہ ترکہ کی ایک تہائی كی حدتک اس پر عمل کیا جائے، ا س کے بعدبقيہ مال کا آٹھواں حصہ مرحوم کی بیوہ کو،دوتہائی بیٹیوں کو اور بقیہ مال بھائیوں کو دیدیاجائے، جس کی تفصیل یوں ہے کہ اس بقيہ مال کے کل دوسو اٹھاسی (۲۸۸) مساوی حصے کرکےمرحوم کی بیوہ کوچھتیس(۳۶)حصے ،ہربیٹی کوچونسٹھ(۶۴)حصے اورہربھائی کو پندرہ(۱۵)حصے دیے جائیں۔