مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
پی آئی ایپ کے ذریعے پیسہ کمانا
سوال
سلام مسنون عرض یہ ہے کہ ایک مسئلہ درپیش ہے کہ آج کل ایک نئی ایپ پی آئی کے نام سے آئی ہے۔ اس میں کسی کا ایک روپیہ بھی خرچ نہیں ہوتا صرف اس ایپ کو موبائل میں ڈاؤن لوڈ کرکے 24 گھنٹوں میں ایک مرتبہ کھولنا ہوتاہے اور اس میں ایک نشان ہے اس کو دبانا ہوتاہے ۔ اس عمل پر اس ایپ میں آپ کو سکے ملتے ہیں لیکن ان سکوں کی ابھی کوئی قیمت نہیں ہے، بعد میں کسی وقت طے ہوگی۔
اب مسئلہ یہ ہے کہ ان سکوں کو کوئی دوسرا شخص خریدنا چاہتاہے فی سکہ 50 ڈالر کے بدلے میں جبکہ ابھی کمپنی کی طرف سے اس سکے کی کوئی قیمت طے نہیں ہے تو ان سکوں کی خریدو فروخت کرنا کیسا ہے؟
جواب
اصولی طورپر بیع کے صحیح ہونے کےلئے مبیع کا مالِ متقوم ہونا شرعاً ضروری ہے جبکہ مذکورہ سکےمستقبل میں قیمتی ہونے کی امید پر بنائے جاتے ہیں لہذا فی الوقت ان سکوں کی خریدو فروخت شرعاً درست نہیں ہے اس سے اجتناب ضروری ہے۔ نیز اس طرح کی گیمیں محض لغو کام ہے اور بعض اوقات اس میں جوئے کی صورتیں بھی بن جاتی ہیں لہذا اس میں مشغولی کے بجائے رزقِ حلال کے حصول کےلئے کوئی اور جائز کام کرنا چاہئے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
