صورت مسئولہ میں والدین کے کل ترکہ میں سے حقوق متقدمہ علی المیراث (تجہیز و تکفین، قرض/دین،جائز وصیت )کی ادائیگی کے بعد بقیہ مال کے چھ(6)حصے کرکے دو(2)حصےبیٹےکو،اور ایک ایک حصہ چاروں بیٹیوں کو دے دیا جائے بشرطیکہ مذکورہ ورثاء کے علاوہ کوئی اور شرعی وارث نہ ہو۔اور اب چونکہ بیٹے کی بھی وفات ہو چکی ہے۔ اس کی میراث میں سے دو تہائی اس کی بہنوں کو ملے گا ۔باقی ایک تہائی قریب ترین مرد رشتے داروں کو ملے گا ۔مذکورہ صورت میں اولاد، والد ، دادا اور بھائیوں میں سے اگرچہ مرد رشتہ دار نہیں ہے۔لیکن دادا پڑدادا ،اوپر تک کی اولا د میں سے اگر کوئی مرد رشتہ دار ہوگا تو ان میں سے قریبی رشتہ دار اس تہائی کا حق دار ہوگا ۔ اس لیے اس کی تفصیل لکھ کر دوبارہ سوال پوچھ لیں۔