مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
پانچ بیٹوں اور ایک بیٹی میں تقسیم میراث
سوال
ایک عورت خدیجہ کا انتقال ہوا ہے اور انتقال کے وقت اس کا صرف ایک بھائی جمال الدین زندہ تھا۔ اسکےعلاوہ اس کے والدین ،شوہر،بیٹااور دیگر بھائی بہن انتقال کر چکے تھے ، اس کے بعد ان کے بھائی جمال الدین کا بھی انتقال ہو گیا۔ اب جمال الدین کی اولاد کے علاوہ دیگر بھائیوں کی اولاد بھی موجود ہے۔ سوال یہ ہے کہ خدیجہ کی میراث کس کو ملے گی اور کس کو نہیں ملے گی ۔
ملحوظ: جمال الدین کی اولاد میں پانچ بیٹے اور ایک بیٹی زندہ ہیں ۔ جمال الدین کی میراث کس طرح تقسیم ہوگی جبکہ جمال الدین کی بیوی اس کے انتقال سے قبل فوت ہو چکی ہے۔
جواب
نمبر ۱۔ صورت مسئولہ میں سب سے پہلے مرحومہ خدیجہ کی میراث کی تقسیم کا طریقہ یہ ہے کہ مرحومہ نے انتقال کے وقت اپنی ملکیت میں جو کچھ منقولہ و غیر منقولہ مال و جائیداد مکان پلاٹ، سونا چاندی نقدی، مال تجارت وغیرہ جو بھی ساز و سامان چھوڑا ہے وہ سب اس کا ترکہ ہے اس میں سے سب سے پہلے مرحومہ کے کفن ودفن کے متوسط اخراجات نکالے جائیں گے، اگر یہ اخراجات کسی نے بطور احسان ادا کر دیئے ہوں تو مرحومہ کے ترکہ میں سے یہ اخراجات نہیں نکالے جائیں گے اس کے بعد مرحومہ کے ذمہ کوئی قرض واجب الاداء ہو تو وہ ادا کیا جائے گا، اس کے بعد دیکھیں اگر مرحومہ نے کوئی جائز وصیت کی ہو تو باقی مال کے ایک تہائی کی حد تک اس پر عمل کریں۔ اس کے بعد جوتر کہ بچے وہ سارا کا سارا مرحومہ کے بھائی جمال الدین کو ملے گا بشرطیکہ مرحومہ کا کوئی اور شرعی وارث نہ ہو۔ نیز اس صورت میں مرحومہ کے مرحوم بھائی بہنوں کی اولاد کو کچھ نہیں ملے گا۔
نمبر ۲۔ اس کے بعد مرحوم جمال الدین نے اپنے انتقال کے وقت مذکورہ تفصیل کے مطابق جو کچھ مال اپنی ملکیت میں چھوڑا ہے وہ اور جو کچھ مرحومہ خدیجہ کی میراث سے اس کو مال ملاوہ سب اس کا ترکہ ہے۔ اس میں سے سب سے پہلے اوپر ذکر کردہ تفصیل کے مطابق حقوق ثلاثہ یعنی تجہیز و تکفین، قرض اور وصیت کی ادائیگی کے بعد جو
کچھ مال بچے اس کے گیارہ حصے کر کے ہر بھائی کو دو(2) حصے اور بہن کو ایک(1) حصہ دیا جائے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
