مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
وطن اصلی سے منتقل ہونے کی شرائط دو جگہ وطن اصلی ہونا
سوال
اس مسئلے کے بارے میں کہ ایک شخص اپنے وطن اصلی یا جائے پیدائش کو چھوڑ کر دوسری جگہ کو اپنا مستقل وطن بنا چکا ہے ،اور وطن اصلی میں مستقل رہنے کا ارادہ بھی نہیں ہے ،اور اسکی اور اسکے والد کی وطن اصلی میں کوئی جائیداد بھی نہیں ہے لیکن والدہ کی کچھ زمین ہے ،تو کیا وہ شخص اور اسکا والد وطن اصلی میں جا کر نماز کی قصر کریں گے یا نہیں کریں گے ، اور اگر اسکے والد کی بھی زمین ہو لیکن وہاں پر رہنے کا ارادہ بھی نہ ہو تو پھر کیا حکم ہے ؟اور اگر اسکے والد کی زمین ہے یا نہیں ہے لیکن کبھی وہاں رہنے کا ارادہ ہو تو اس کے بارے میں کیا حکم ہے؟
جواب
اگر کوئی شخص وطن اصلی سے رہائش بالکلیہ ترک کردے اور وہاں مستقبل میں بیوی بچوں کے ساتھ رہائش کا ارادہ بھی نہ ہو اور دوسری جگہ مستقل رہائش اختیار کرے تو پہلے والا وطن اصلی ختم ہو جائے گا اور دوسرا وطن “وطن اصلی”بن جائے گا اگرچہ اس کے پہلے والے وطن میں ذاتی زمین بھی ہو اس کا اعتبار نہیں ۔ لہذا جب مذکورہ صورت میں پہلے والا وطن اصلی ختم ہو گیا تو اب یہاں جب بھی پندرہ دن سے کم ٹھہرنے کی نیت سے داخل ہوگا تو نماز کا اتمام نہیں کرے گا بلکہ قصر کرے گا ۔اور اگر مستقبل میں وطن اصلی میں بھی رہائش رکھنے کا ارادہ ہو اور وہاں سے رہائش مستقل طور پر ختم نہ کی ہو اور موجودہ رہائش بیوی کے ساتھ دوسرے وطن میں بھی ہوتو اب یہ دونوں اس کے وطن اصلی کہلائیں گے اور دونوں جگہ نماز پوری پڑھی جائے گی ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
