مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
والد کا نافرمان اولاد کو گھر سے نکالنا اور ان کو نان ونفقہ نہ دینا
سوال
کیا فرماتے ہیں مفتیان ِ کرام کہ اس مسئلہ کے بارے میں کہ میرا بیٹا نافرمان ہے ،میری کوئی بات نہیں مانتا اور نہ ہی گھر کا کوئی کام کاج وغیرہ کرتا ہے اور کوئی نوکری وغیرہ بھی نہیں کرتا کہ جس سے اپنا اور اپنی بیوی کا خرچ وغیرہ اٹھائے، اس کے اور اس کے بیوی کے تمام اخراجات میرے ذمہ ہیں اب اس کی نافرمانیوں کو دیکھ کر میں یہ چاہتا ہوں کہ اس کو گھر سے نکال دوں اور اس کا خرچ بند کر دوں یا اس کو گھر میں ہی الگ رکھ کر اس سے بات چیت بند کر دوں تاکہ اس کی نافرمانیوں کا میری دیگر اولاد پر اثر نہ پڑے ،نیز وہ اور اس کی بیوی یہ بھی چاہتے ہیں کہ میں انہیں اپنی جائیداد میں سے حصہ دے دوں تو کیا اس کو اس طرح مطالبہ کرنا جائز ہے؟جواب مرحمت فرما کر شکریہ کا موقع دیں ۔
جواب
قرآن و سنت کی روشنی میں والدین کے حقوق کی بہت زیادہ تاکید کی گئی ہے اور ان کی ناراضگی اور ضامندی کو رب کی ناراضگی اور رضامندی کے لیے معیار قرار دیا گیا ہے اس لیے آپ کے بیٹے کو چاہیے کہ وہ آپ سے حسنِ سلوک اور اطاعت و فرمانبرداری والا معاملہ کرے اور نافرمانی اور بد سلوکی سے اجتناب کرے۔
آپ کے سوالات کے جواب کا خلاصہ یہ ہے کہ : شرعاً والد پر اس کی صحت مند بالغ مذکراولاد کا نان و نفقہ لازم نہیں ، لہذا اگر آپ اپنے اس طرح کے بیٹے کو نان و نفقہ نہیں دیتے تو شرعاٍ اس میں کوئی حرج نہیں اسی طرح نافرمان اولاد کو اپنی تربیت کی طرف متوجہ کرنے اور فکر ِ معاش پر ابھارنے کے لیے گھر سے علیحدہ کرنے کی گنجائش ہے، البتہ اس کو گھر میں رکھ کر قطع تعلقی کی نیت سے بات چیت بند کرنا درست نہیں تاہم احسا س دلانے اور دیگر اولاد کی تربیت کی غرض سے بات چیت عارضی طور بند کی جا سکتی ہے لیکن اس سب کے باوجود آپ کے لیے مستحسن یہ ہےکہ اس کے حق میں دعا کریں اور جتنا ممکن ہو اس سے صلہ رحمی والا معاملہ کریں ۔
واضح رہے کہ آپ اپنی زندگی میں اپنی تمام جائیداد کے مالک ہیں ،لہذا آپ کی بہو ،بیٹے یا کسی اور وارث کے لیے جائز نہیں کہ وہ آپ سے آپ کی زندگی میں جائیداد میں حصہ کا مطالبہ کریں ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
