مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
میں نے فیصلہ دے دیا ، تو فا رغ ہے چلی جا ، کہنے کاحکم
سوال
میں نے 9 نومبر 2016 ء بروز بدھ شام کے وقت اپنی بیوی کو ٹیلی فون پر غصہ کی حالت میں کہا کہ ” میں ابھی فیصلہ دینے لگاہوں ، میں نے تمہیں فیصلہ دے دیا ہے ، میری طرف سے تو فا رغ ہے ، ابھی اپنے ماں باپ کے گھر چلی جا ” پھر دوبارہ میں نے کہا کہ “اب تو میری طرف سےفارغ ہو گئی ہے،یہاں ( میرے گھر میں ) کیا کررہی ہے ، چلی جا” اس کے بعد فون پر ہی اپنی والدہ کو بتایا کہ” میں نے اسے فارغ کردیا، اسےکہو گھر چلی جائے ” پھر یہ صورت حال میں نے اپنے بھائی کو اور کچھ لو گوں کو بتائی ۔ واضح رہے کہ والدہ ، بھائی وغیرہ کو بتاتے ہوئے نئی طلاق دینے کی نیت نہیں تھی صرف خبر دینا مقصد تھا۔
لڑکی کا بیا ن یہ ہے کہ ”مجھے سب سے پہلے یہ کہا کہ ”میں نے تجھے طلاق دی ہے ” ایک مرتبہ کہہ کر پھر مذکورہ الفاظ کہے کہ ”میں ابھی فیصلہ دینے لگاہوں ۔۔۔الخ
جواب
صورت مسئولہ میں شوہر کے بیان کے مطابق ایک طلاق بائن واقع ہو گئی ہے، جبکہ بیوی کے بیان کے مطابق دو طلاق بائن واقع ہو گئیں ہیں ۔ لہذا اگر دو نو ں اکٹھے رہنے پر آما دہ ہو ں تونئےمہرکے عوض نیا نکاح کرکے ایک ساتھ رہ سکتے ہیں۔ بشرطیکہ اس کےعلا وہ طلاق کے کوئی اور الفاظ نہ کہے ہوں ،البتہ آئندہ بہت ہی احتیاط کی ضرورت ہے ، اگر ایک مر تبہ بھی مزید طلاق دے دی تو عورت کے حق میں تین طلاقیں واقع ہوکر حرمت مغلظہ ثابت ہو جائے گی ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
