گذارش ہے کہ میری بیٹی (منہ بولی ) کی شادی مورخہ 18ستمبر2018ءکو مسمی محسن رضا تارڑ سکنہ گجرات سے انجا م پائی تھی ،میری بیٹی آسٹریلیا کی شہری ہے اور آسٹریلیا ہی میں رہائش پذیر ہے ان کا خاوند محسن رضا تارڑ ساؤتھ افریقہ کے شہر ڈربن میں گاڑیو ں کی خریدوفروخت کاکاروبار کرتا ہے شادی کے بعد میاں بیوی کے درمیان اکثر نوک جھونک ہو تی رہتی تھی پھر خود ہی صلح ہو جا تی تھی مورخہ 19/اکتوبر/ 2018ءکو بھی ان کی نوک جھونک ہو ئی تھی اور اس کے خاوند نے ناراض ہو کر بیٹی کے موبائل پر پیغام دیا کہ تم میرے سفر کے لیے ٹکٹ بائی ائیر بھیجو اور اگر تم نے ٹکٹ نہ بھیجا تو تمہیں میری طرف سے طلاق ہے ،یہ میسج تین دفعہ میری بیٹی کے موبائل پرموجود ہے لیکن رقم نہ ہونے کی وجہ سے ٹکٹ لے کر بھیجوانے سے انکار کر دیا ، اب اس کے خاوند کا اصرار ہے کہ وہ کلمہ پڑھ کر کہتا ہے کہ اس نے سچ سچ طلاق کی نیت سے میسج نہیں بھیجا ۔