صورتِ مسئولہ میں مرحومہ نےانتقال کےوقت اپنی ملکیت میں جوکچھ منقولہ وغیرمنقولہ مال، جائیداد،سونا،چاندی،نقدی اورہرقسم کاچھوٹابڑاگھریلوسازوسامان چھوڑاہےوہ سب مرحومہ کاترکہ ہے،مرحومہ کےکفن ودفن کےاخراجات ترکہ میں سےمنہانہیں کئےجائیں گےبلکہ ان کی ادائیگی مرحومہ کےشوہرکےذمہ لازم ہے،البتہ اگرمرحومہ پرکسی کاواجب الأداءقرضہ ہوتواسےاداکیا جائے،اس کےبعددیکھیں كہ اگرمرحومہ نےكسی غیرِوارث کےلئےکوئی جائزوصیت کی ہوتوبقیہ ترکہ کی ایک تہائی حدتک اس پرعمل کیاجائے،اس کےبعدجوکچھ بچےاس کےکل دو(2)برابرحصےکرکےاس میں سےایک حصہ مرحومہ کےشوہرکواورایک حصہ مرحومہ کےوالدکودیدیں۔صورتِ مسئولہ میں مرحومہ کےبھائی بہن کے ترکہ میں شرعی حصہ دار نہیں ہیں۔