مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
منیجر کا کمپنی کی گاڑی کو دیگر مصارف میں استعمال کرنا
سوال
نمبر1— ہماری کمپنی کے پر چیزمنیجر کاکام فوری خریداری کرکے لانے کاہے کیونکہ تاخیر سے خریداری کرنے کی صورت میں پیداوار متاثرہوتی ہے نیز اکثراو قات ہماراپر چیزمنیجر اپنی ذمہ داریاں پوری کرنے میں تاخیر سے کام لیتاہے۔ ایسی صورت میں اگر ہماری کمپنی کا پرچیز منیجر بغیر اجازت کسی خیراتی ادارے کو ہماری کمپنی کے کسی ملازم کوڈیوٹی کے اوقات کے اندراگرمعلومات فراہم کرنے میں وقت لگاتاہویامارکیٹ میں ان کے لئےسامان خریدنے میں وقت صرف کرتاہویاخریداری کرکے اس خیراتی ادارے کےلئے کسی ملازم یاکمپنی کے ملازم کوساتھ لے جاکر مارکیٹ سے مال خریدنے میں معاونت دیتاہو یاخریداری خود سے کرکے ہماری دی ہوئی گاڑی میں ان کاسامان لاد کر ان کو بھی سپلائی کرتاہو تو اس کاکیاشرعی حکم ہے؟
نمبر2— ایسی صورت حال میں ہمارے پرچیز منیجر کاخیراتی ادارے یادیگر ملازمین کے کاموں میں بغیر اجازت صرف کردہ وقت کی اجرت کاکیاحکم ہے اور کیا اتنی اجرت کمپنی کو واپس کرناواجب ہے؟
جواب
نمبر1،2۔۔۔شرعاً پرچیز مینجر کمپنی کاملازم خاص ہے۔اس کے لئے ادارہ کی اجازت کے بغیر کمپنی کے اوقات میں سپرد کی گئی ذمہ داری کے علاوہ کسی دوسرے کام میں وقت خرچ کر ناجائز نہیں ہے۔ اس لئے صورتِ مسؤلہ میں پرچیز مینجر پر شرعاً لازم ہے کہ خود دیانتداری کے ساتھ دوسرے کاموں میں صرف کئے ہوئے وقت کا اندازہ لگاکر اس کے بقدر ماہانہ تنخواہ سے کٹوتی کروائےیا ادارہ سے معاف کروائے۔نیز گاڑی کو بلااجازت استعمال کرنے کی وجہ سے گناہگار ہوا ہے، اس پر توبہ استغفار کرے اور استعمال شدہ پٹرول کی قیمت کمپنی کو ادا کرے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
