صورتِ مسئولہ میں مرحوم فضل الہی صاحب نےبوقتِ انتقال اپنی ملکیت میں مذکورہ مکان سمیت جوکچھ منقولہ وغیرمنقولہ مال وجائیداد،سونا،چاندی،نقدی اورہرقسم کاچھوٹابڑاگھریلوسازوسامان چھوڑا ہے وہ سب مرحوم کاترکہ ہےاس میں سےسب سےپہلےمرحوم کےکفن دفن کےمتوسط اخراجات نکالے جائیں، اگروہ اخراجات کسی نےاپنی طرف سےبطورِاحسان اداکردئیےہوں تواب وہ ترکہ سےنہیں نکالے جائیں گے،اس کےبعددیکھیں اگرمرحوم نےکوئی جائزوصیت کی ہوتوبقیہ ترکہ میں سےایک تہائی کی حدتک اس پرعمل کیاجائے، اس کےبعدجومال بچےاس کےکل سولہ (16)برابرحصےکرکےہربیٹےکودو(2)اورہربیٹی کوایک (1)حصہ دیاجائے، مرحوم رشيدکومرحوم فضل الہی کےترکہ میں سےجومال ملےوہ اوروفات کےوقت جومال ان کی اپنی ملکیت میں موجودتھاوہ سب مرحوم رشيدکاترکہ ہے،جس میں سےسب سےپہلےمذکورہ تین حقوق یعنی کفن دفن، قرضہ اوروصیت ذکرکردہ تفصیل کےمطابق اداکئےجائیں گے۔ پھربقیہ مال کےکل آٹھ(8)حصےکرکےان کی بیوہ کوایک (1)حصہ جبکہ بیٹے فاروق کوبقیہ سات (7)حصےدئیےجائیں گے۔ مزیدتفصیل مطلوب ہوتواس وقت تک جتنےورثاءکاانتقال ہوچکاہے،ان کی تاریخ اورسنِ وفات کےساتھ دوبارہ سوال کریں ۔