صورتِ مسئولہ میں جماعت کےساتھ نمازکی ادائیگی کےلیےمسجد سےخارج سیڑھیوں کااستعمال کرناجبکہ اتصال ِ صفوف کی رعایت کرتےہوئےاوپرکی منزل میں نماز اداکرنا ممکن بھی ہو تویہ بلاعذرمسجد سے نکلنا ہےاوراسی طرح نمازکی ادائیگی کےبعدمسجدسےمحض اپنےحجرےمیں جانے کےلئے تحتانی حصّےسےنکل کر بذریعہ خارج مسجد فوقانی حصےمیں جانابغیرعذرکےمسجد سےنکلناہےاورامام ابوحنیفہ کے قول کےمطابق ایک لمحے کےلیےبھی بلاضرورت مسجد سےنکلنامفسدِ اعتکاف ہےاورفتویٰ بھی اسی قول پر ہے،اس مفتی بہ قول کے موافق جب اس طورسےمسجدسےباہرنکلناپایاگیاتواعتکاف فاسد ہونا چاہیئے،مگرچونکہ انتظامیہ نےاپنی غفلت کی وجہ سے سابقہ معتکفین کواطلاع نہیں دی ،نیزصاحبین کےقول کی وجہ سےگنجائش بھی معلوم ہوتی ہےاس لئے ان سابقہ معتکفین کےاعتکاف کوتواس عذرکی وجہ سےفاسدنہیں کہا جائےگا۔ البتہ انتظامیہ اپنی اس کوتاہی پرتوبہ واستغفار کرےاورآئندہ معتکفین کے اعتکاف کو فاسد ہونے سے بچانے کےلیے درج ذیل تدابیرمیں سےکوئی تدبیر اختیارکریں۔